مشاهدة : 18374
صفحة 1 من 2 12 الاخيرةالاخيرة
النتائج 1 الى 10 من 14
  1. #1
    بنت الحمرا جدة غير متصل يحضر الماجستير بالشغب
    تاريخ التسجيل
    Feb 2010
    المشاركات
    902
    Thanks
    0
    شكر 0 مرات في 0 مشاركات
    ورع من الرياضالفرق الشاسع بين ورعان حي العليا والسليمانيه (الهاي هاي) وورعان حيالنسيم والنظيم بالرياض ..!!






    (ورعان العليا والسليمانيه بالرياض)


    في الصباح حيث يبدا يوم هولاء الورعان عندما يستيقظ على صوت
    الكناري اللي بغرفته , بعدها يتوجه للحمام يتروش ويفرش اسنانه ويطلع
    من الحمام تستقبله المربيه بالمنشفه وتصبح عليه يروح يغير ملابسه
    وياخذ شنطته وينزل لغرفة الطعام ويصبح على امه وابوه واحلى
    بوسه ياخذها منهم
    ويفطر ذاك الفطور طبعا عباره عن كورنفليكس ابو ديك وبيضه وحده بس!!
    وكاس عصير وشوية زبده مع العسل على خبزه
    بعدين يقوم يغسل فمه ويودع الماما والبابا ويتوجه للسياره يلقى قدامه
    السواق مبتسم ويفتح له الباب ويوديه لمدرسته الخاصه

    ورعان حي النسيم والنظيم)
    هولاء الورعان مايصحوا من النوم الصبح الا بعد ما يطلع الواحد عين اهله ولازم جميع افراد العائله تمر عليه
    عشان تصحيه وكل واحد وطريقته
    الاب: قم جعلك الهزل ..!!
    الام: قم جعلك الجدري ..!!
    الاخ: والله اذا ما تقوم لافقع وجهك ..!!
    اخته: < تسوي نفسها بتدلعه> : يالله قوم واعطيك شنطة اخوك تروح فيها
    للمدرسه ..!!
    بعد ما يقوم يمر الحمام على السريع ويغسل وجه
    وبعدين ياخذ اقرب كتب عنده ويربطها ويجيك مدحدر يدور الفطور ويتفاجا
    انهم ما حطوه ..!!
    بعد ما يجي الفطور وهو كالعاده فول شكشوكه وخبز تميس + حليب ..!!
    يبدا الورع بالاكل وشوي الا وهو حاذف اخوه بعلبة الهندسه ..!!
    عشانه سحب صحن الفول من عنده <مسكين ما يطوله> وشوي الا وهو
    مسدد بقس عنيف يمشي مليووون لاخوه الثاني!!
    لانه سرق فسحته..!!
    ابوه يتكلم معه يا ورع اركد وافطر وعين خير انت وش بلاك؟.. وراك مدرسه
    يرد الورع عليه: انت ما تشوف سعيدان سارق فسحتي ..!!
    <<سعيدان اكبر سروق بالبيت>>
    ابوه على طول يصدق ويصك سعيدان كف صدقي ..!!
    المهم بعد ما يخلص الفلم اليومي يروح الولد للسياره يلقى اخوه فاتح
    الكبوت ويصب ماء للرديتر المشقوق تقفل اخلاق الورع وينقز للشارع وياشر لاقرب سياره ويروح للمدرسه ..!!



    (ورعان العليا والسليمانيه)


    بعد المدرسه يرجع الورع ويلقى المربيه في استقباله تاخذ
    الشنطه وتوديها لغرفته بصحبته
    يغير ملابسه ويغسلو جهه ورجليه
    ويستريح له ساعه في انتظار افراد العائله عشان يتغدى وبعد الغداء
    الرايق
    يروح لغرفة الجلوس ويشرب شاهي للتهضيم , ويحلي بقطعة كيك وبعدين
    يروح لغرفته ينام له ساعه قبل العصر.



    (ورعان النسيم والنظيم)


    الورع منهم يجي من المدرسه وثوبه قالب لونه بني<< تقول جدارمدرسه >>
    ولا دخل البيت رمى الشنطه بالصاله وفصخ ثوبه
    ووينك يالشارع << اخوياه يحترونه>> وهاتك ياللعب
    كوره بذي القايله وعاد الشارع مولع من الحراره وهم عادي مرره
    ولا كانه فيه شيء واهله ما يدرون ..!!
    في هذه الاثناء يرسل ابوه كتيبه من اخوانه للبحث عنه ولا لقوه وجابوه
    للبيت قام يصيح طقوني وسحبوني قدام الناس << والله ما احد لمسه النصاب>>
    المهم يحطون الغداء <<معروف كبسة لحم>> غيره ما فيه ..!!
    يتغدى الورع الكريم ويصك بعدها لتر لبن
    بعدها يجلس ساعه فاتح فمه
    يحتري من يوديه يغسل له يديه ..!!



    (ورعان العلياوالسليمانيه)


    ورعان العليا والسليمانيه لاجاء العصر جابوا دروسهم وشافوا وشعليهم من
    واجبات وحلوها وحضروا دروس بكره بمساعدة الماما والبابا
    بعدها يروح لغرفة الالعاب ويجلس على البلاي ستيشن 3 وخذ لعب
    لمدة ساعتين تقريبا يعني الى وقت ما بين المغرب والعشاء
    بعدها تطلبه امه مع بقية اخوانه عشان يجتمعون ويشربون العصير
    ويسولفون سوالف رايقه



    (ورعان النسيم والنظيم)


    يجي وقت العصر وهو نايم << مفعول اللبن >> يقوم قبل المغرب
    وياخذ دروسه وواجباته << واقلامه ناسيها في درج الطاوله اللي بالمدرسه>>
    ويروح عند اخته ويتحايل عليها بكل ما اوتي من قوه علشان تحل له
    الواجبات واذا قالت لاياويلها يا سواد ليلها..!!
    بعد كذا انواع الدجه مع ورعان الحاره ومن هم على شاكلته ما يخلون
    هندي الا وسرقوا سيكله ..!!
    مايخلون شارع فيه تفحيط الاومروا عليه وخذ ازعاج ووجع راس لخلق الله ..!!
    ولا رجع البيت << على الساعه 11 الليل تقريبا >> تلقى راسه مفلق من
    جميع الاتجاهات والشرطه تدوره وجارهم مسوي اعلان عليه مطلوب
    حي او ميت ..!!
    واهله مساكين مايدرون عنه ..!!



    (ورعان العليا والسليمانيه)


    بعد مايتعشى الواحد منهم ويمسي على اهله يروح لغرفته ويجلس
    على النت ساعه او ساعتين الى موعد نومه << الساعه 10 تقريبا >>
    بعدها يغير ملابسه , وتجي المربيه وتحكي له قصه اللين ينام تغطيه وتطفي النور ..!!



    (ورعان النسيم والنظيم) [/color]

    لا رجع البيت<<الساعه11الليل>> ما يدخل مع الباب لا
    ينط منفوق السور علشان ابوه ما يمسكه..!!
    وعلى طول لغرفته ويسكر الباب ويطفي النورو يطل من الشباك على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها ابوه
    مع الناس ومع جارهم ومع الشرطه ..!!
    وفي اثناء ذلك يستغل الفرصه ويدز للمطبخ وياخذ منه جبن << جبنةالبقره الضاحكه >>
    وخبز ويرجع لووكره (( غرفته ))
    ويقفل بابالصندقه << الغرفه>> ويتعشى من ذا الجبن والخبز
    الين يدوخ <علىالساعه 3>> لا وازيدكم من الشعر بيت ما ينام
    الا وهو متلطم ..!!

  2. #2
    صورة عاشق
    عاشق غير متصل جاي معه ملفه
    تاريخ التسجيل
    Feb 2011
    الدولة
    في البيت الابيض
    المشاركات
    24
    Thanks
    0
    شكر 0 مرات في 0 مشاركات
    هههه هه

    الله يرجك رجا مبرحا .. ليه " النسيم والنضيم " .

    النسيم اختلف الان صار كله مطاعم وحركات ومدري ايش واسواق بكل شارع سوقين ثلاث

    بس النظيم معك حق هههه ههه عجبتني جبنة البقره الضاحكه

    بعدين اغلبهم موب سعودين اصلين لك عليهم شوي سطحات ومن هالامور خخ

  3. #3
    مجهول0 غير متصل طالب ابتدائي
    تاريخ التسجيل
    Mar 2011
    المشاركات
    50
    Thanks
    0
    شكر 0 مرات في 0 مشاركات
    مشكوور والله يعطيك الف عافيه

  4. #4
    AMERAL7B غير متصل جاي معه ملفه
    تاريخ التسجيل
    Sep 2009
    الدولة
    السعودية
    المشاركات
    1
    Thanks
    0
    شكر 0 مرات في 0 مشاركات
    يا لبى قلوبهم اهل السليمانيه والعليا بصراحة انا ناوي اسكن عيالي هناك احياء راقية خخ

    يازين التواضع بس مو اني ارمي عيالي مع دشرة ابي عيالي زي عيال العليا والسلميانية صحيح ان اكثرهم دلوخ وما يفموا بهالخياة الا يالله تعلم فيه المربية لكن مو مشكلة ما نجيب مربية نجيب عربجية من جده تلعن خير خيره ((مثل مثل)) مافي فرق كلهم اناث علما بانهم مو كلهم ((اناث اناث)) لكن فيهم من الانوثه(عرابجة جده)يعني تقدر تقول 45% ذكر بس
    يعطيك العافية على هالطرح وما قصرت

  5. #5
    ابوسمره123 غير متصل طالب ابتدائي
    تاريخ التسجيل
    Apr 2009
    الدولة
    الرياض
    المشاركات
    74
    Thanks
    0
    شكر 0 مرات في 0 مشاركات
    هههه صدقت ..


    انا كنت ساكن شرق الرياض وكانت هذي حياتنا ... فله وبراءه ....... <<باين البراءه

    المهم بعز الظهر كنا نلعب كوره مع عيال الحاره خخ ولا مر هندي ما نخليه بحاله .. والعصر بالشارع وبالليل بالشارع اربع وعشرين ساعه بالشارع ولا رجعنا بالليل على طوول عند جدتي لانها تفزع لي خخ .. بس الحين اختلف الوقت وصرنا نفهم للامور هذي وما نخلي اخواننا الصغار يطلعون للشارع ..

  6. #6
    مرسى المشاعر غير متصل طالب ابتدائي
    تاريخ التسجيل
    Oct 2006
    الدولة
    UK
    المشاركات
    104
    Thanks
    0
    شكر 0 مرات في 0 مشاركات
    اهااا ما شاء الله

    الله يعين بس

    اجل بزران العليا غير بزران النسيم

  7. #7
    صورة صمتي دليل غلاك
    صمتي دليل غلاك غير متصل طالب متوسط
    تاريخ التسجيل
    May 2011
    الدولة
    الرياض
    المشاركات
    245
    Thanks
    0
    شكر 0 مرات في 0 مشاركات
    هههه خياليه المقارنه
    يا عازم العزايم يا زعيم **تعزم وتنادي وتاكلها
    والله انك زعيم زعيم **وغيرك يحس بندم ويحسبها
    عشت بافراح وجعلها تديم ** ومستوالك غير مستوى النوادي وشهادتها



  8. #8
    صورة azoz2012
    azoz2012 غير متصل جاي معه ملفه
    تاريخ التسجيل
    Jul 2011
    المشاركات
    15
    Thanks
    0
    شكر 0 مرات في 0 مشاركات
    ههه

    والله حلوه مشكور

  9. #9
    صورة RKO7
    RKO7 غير متصل جاي معه ملفه
    تاريخ التسجيل
    Jul 2011
    الدولة
    ارض الله الواسعه
    المشاركات
    11
    Thanks
    0
    شكر 0 مرات في 0 مشاركات
    مشكور يعطيك العافية

  10. #10
    dyyazoo غير متصل جاي معه ملفه
    تاريخ التسجيل
    Sep 2011
    المشاركات
    20
    Thanks
    0
    شكر 0 مرات في 0 مشاركات
    الله يعين يارب

صفحة 1 من 2 12 الاخيرةالاخيرة
الدورات التدريبية جامعة نجران
يشرفنا اعجابك على فيس بوك facebook