مشاهدة : 2051
النتائج 1 الى 1 من 1

قصة حب سارة وفهد والله حلوة ومحزنه!‎

  1. #1
    %بنت ابوها% غير متصل طالب ابتدائي
    تاريخ التسجيل
    Aug 2009
    الدولة
    مدينه
    المشاركات
    106
    Thanks
    0
    شكر 0 مرات في 0 مشاركات

    قصة حب سارة وفهد والله حلوة ومحزنه!




    فهد طالب
    في الصف الثاني متوسط ولد لعاب يحب اللعب وخاصة مع بنت عمه سارة .. وكانوا ما يحسون بالوناسة وسعة الصدر الا اذا كانوا مع بعض برغم انهم صغار فانهم مافهموا ايش قصة هذا الشعور .
    كان فهد دائما في بيت عمه وكانوا اهله ما يزعلون اذا راح لبيت عمه .. ولا يهتمون هو يلعب مع من يعني الدعوه كانت فري جدا .
    وكانت ساره تحب فهد مو بس تحبه الا تمووت فيه وفهد يبادلها الشعور وكانوا يقولون لبعض هالمشاعر ويسطرونها لبعضهم لكن ببرائه الاطفال ما كانوا يهتمون بهالكلام .. همهم اللعب والوناسة .
    كانوا دائما يضحكون من بعض اذا تعورت سوسو بكى فهد وضاق صدره .. واذا تعور فهودي بكت ساره وتقطع قلبها من البكاء عليه .
    واستمروا على هالحال حتى وصلوا سن 18 سنه يعني صاروا بصف ثالث ثانوي وهم لحد الان ما ينفصلون عن بعضهم لكن طبعا بحكم كبر سنهم ما كانوا دائم مع بعض يعني بين الحزه والحزه يشوف فهد ساره .
    لكن في هالوقت صاروا كبار وفاهمين حقيقه هالمشاعر اللي بنفسهم .. لذا كانت ساره تخجل انها تقول لفهد احبك كذا بوجهه .. كانت تستخدم الرسائل علشان تقول لفهد هالكلام .. وتعوض هالمشاعر بالهدايا والرسائل الرومنسية جدا .. اللي منها هالرساله :
    بسم الله الرحمن الرحيم
    حبيبي فهد .. كم حبست هذه الكلمه في داخلي الى ان جاء هذا الوقت وهذه الاوراق التي استطعت عن طريقها تسطير هذه الكلمه لك يا اغلى حبيب في الدنيا ..

    محبتك ساره

    وكان فهد يرد على رسائلها .. برسائل احلى منها ملياانه بالحب والرومنسية حتى جاء ذاك اليوم اللي كان فهد في بيت عمه ابو ساره وكان فهد في الصاله الرئيسية للبيت ومثل ما الكل عارف دائم الناس بتحط الصور على الجدار .. وكان فيه صور لساره ومعها قرايبها لما كانوا باول ثانوي .. وفيه احد الصور فيها ساره ، لمياء ، نوف .
    لمياء بنت خالت ساره .. ونوف بنت خالها .. فهد لما شاف لمياء انبهر بجمالها وتوقفت عنده قدرة التعبير عن هذا الجمال ودخل حب لمياء بقلب فهد وهنا المشكله .. فهد دارت براسه الاسئلة .. ياربي كيف اوصل للمياء واقولها عن حقيقه مشاعري نحوها ؟؟ كيف اكلمها او اشوفها ؟؟

    تذكر ان الطريقة الوحيده هي ساره .. وش الحل يا فهييد؟
    قرر يصارح ساره ويقولها عن حبه للمياء .. ولما جائتة الرساله الاولى من بعد اللي صار .. انقلبت حياة فهد فوق تحت هو عارف انه اذا صارح ساره بهالكلام بكذا كانه راح يقتل بنت عمه بيده .. وخاصه ان ساره محبوبته السابقه .. بعد لمياء
    قرر فهد يكتب لها واللي يصير يصير .. فكتب لها :
    بسم الله الرحمن الرحيم
    عزيزتي ساره " بعد ماكان يكتب لها حبيبتي ساره " كنت لا انوي ان اوصل هذا الكلام لك .. ولكن لم احب ان اتترك تعيشين نار الحب من طرف واحد .. ساره لقد رايت صورة لمياء في بيتكم .. وحبيتها من كل قلبي رغم اني ما اعرفها ولا قد شفتها الا بالصور .. لكن الله اراد كذا .
    حبيت اقولك يا ساره عن هالكلام .. لاني اعرفك ما تخيبين رجاي فيك .. علشان كذا ياسوسو حابك تقولين للمياء عن كلامي هذا وتبينين لها عن هالحب اللي بقلبي .. الله يخليك يا ساره ما ابغاكي تزعلين لكن مابيدي شيء..

    اخوك " بعد ان كان يكتب محبك "
    فهد

    وصلت هالرساله لساره اللي كانت متشوقه تفتحها وتقرى كلام فهد لها وحبه اللي يخليها ملكه الدنيا .. لكنها ماكانت تدري ان هالرساله بتقطع قلبها وتفتت حبها وتكرها في لمياء بنت خالتها ..

    وصلت هالرساله لساره اللي كانت متشوقه تفتحها وتقرى كلام فهد لها وحبه اللي يخليها ملكه الدنيا .. لكنها ماكانت تدري ان هالرساله بتقطع قلبها وتفتت حبها وتكرها في لمياء بنت خالتها ..
    ولما فتحت سارة الرسالة قرئتها زعلت وحز في نفسها اللي سواه ولد عمها فهد فيها لكن من محبتها له حاولت جاهدة مساعدته للوصول للمياء .. فكلمت لمياء عن فهد ومدحتومدت .. حتى امتلىء راس لمياء عن فهد .. قالت لها لمياء كلمية وقولي له اني حابة اتعرف عليه اول .. فوصلت ساره الكلام لفهد وفي قلبها حرقة وقهر عن اللي يسوي فيها فهد .. ومن زود " ثقل دم فهد " كان يجلس مع ساره ويقعد يمدح في جمال لمياء وساره المسكينة تغلي من داخلها نار الغيره والحقد لكن المحبة والوفاء لابن عمها اكبر من الغيره .. وصارت ساره مرسال بين لمياء وفهد لمده سنتين وهم على ذا الحال .. وفهد كان ياخذ راي ساره في كل شيء يكتبة للمياء .. وهالشيء يزيد القهر والغيره والحقد بقلب ساره الي بدت تجف دموعها من القهر والغير من كثر ما ذرفت الدمع على فهد حبيبها .. كانت ساره تصلح اخطاء فهد اللي كانت من الممكن انها تنهي حب لمياء وفهد ففي بعض الرسائل جمل يحسبها فهد جمل حب واخلاص لكنها بالنسبة للمياء جمل خيانه فكانت ساره تنبهه وتعدل وتراجع رسائله حتى تنقذ هالحب .. اللي هي الضحية الوحيده فيه .. وكانت تسوي هالشيء عن طيبة قلب واخلاص لفهد حبيبها .. لانها ما تبغى اي شيء يزعجه .. ففهد يترك الرساله عن ساره يوم او يومين قبل ما يرسلها للمياء وكانت ساره تعدلهم بدمع العين ودم القلب الجريح .. باكية وهي تعدلها .. دامعه العين ..جريحة القلب ..

    دخل سن الزواج للمياء وساره .. وفهد ابتدى يفكر يخطب لمياء زوجة له وبالفعل خطبها وملك عليها وكل هذا من فضائل ساره الي طرحت الفكره لخالتها ومدحت فهد عندها حتى وافقوا عليه .. وسعت في اختيار شبكتهم والسبب طبعا في الاةول حبها لفهد وثانيا ان فهد ماعنده اخوات ويعتبرها اخت له بعد ان كانت حبيبة عمره ..تزوج فهد لمياء وانجبوا اول طفل لهم وعاشت ساره ترفض الخطاب الواحد تلو الاخر .. حتى فاتها قطار الزواج وعنست ساره في بيت اهلها وهي باكية حزينه مكسورة القلب..



    وبعد 15 سنه صار عند لمياء وفهد 4 اولا ثنين شباب وثنتين بنات .. وصاب ساره مرض خطيير .. تقدر ساره تتعالج منه باذن الله لكن لابد من تحسن حالتها النفسيه المتردية جدا وهذا كلام الطبيب .. لكن ما طرا اي تحسن في حالة ساره النفسيه والسبب طبعا نكران فهد لجمايلها وجحده لها ونسيانها ..

    وفي يوم من الايان اشتد المرض وانتشر بشكل مخيف في جسم ساره .. ونقلتها امها بسررعه للمستشفى التخصصي بالرياض .. حاولوا الاطباء انهم يلحقوا على ساره لكن المرض .. قضى عليها .. والتهم جسدها النحييل وبقيت ساره الورده المتفتحة سابقا .. مجرد غصن متيبس لا اكثر .. وانتهت احلامها الى سرير ابيض في المستشفى التخصصي بالرياض .. وهي تنتظر حبيب القلب فهد .. يزورها او يسال على الاقل عنها ومتاكده انه لو سال كان تحسنت حالتها لو قليل لكن فهد نسى ان عنده بنت عم اسمها ساره .. حتى جاء يومها واشتد المرض عليها جدا …




    مسك الله روحها وقبضها .. وتوفيت ساره على سرير ابيض بوجود اخوانها عندها .. حيث انهم اكدوا ان اخر كلمها قالتها هي " فهد " هذي الكلمة اللي ما وفى صاحبها بوفاء ساره له .. وما قدر حبها له .. وتوفيت ساره ووجدوا وصيتها هذا الكلام :
    بسم الله الرحمن الرحيم
    ابن عمي العزيز .. فهد




    اعرف انك لن تذرف دمعة واحده برحيلي .. لكني والله ذرفت الدمع الغزيير بحياتك .

    فهد لقد مزقتني يا فهد .. قتلتني يافهد ..

    سكنت روحي وقلبي لكنك ما قدرت اللي سويته لك كله .. فهد انا ما ابغى اخرب عليك عيشتك لكن ..

    انتبه لبيتك .. وانتبه لزوجتك وهذي تحتها خطين يافهد .. رب ابنائك على التقوى والصلاح باذن الله لانهم ابنائي واعتبرهم ابنائي لانهم ابناء فهد ..

    محبتك … ساره



    قرا فهد وصية ساره .. وقعد يفكر في كلمتها " انتبه لزوجتك يا فهد وهذي تحتها خطين ؟! " ايش فيها لمياء؟
    اكتشف فهد في الاخير خيانه لمياء له .. ايام شبابهم وانها كانت تتسلى به وما وافقت عليه الا بعد الحاح ساره وترغيبها بفهد ..
    فهد طلق لمياء .. لكن بعد ايش بعد خسارة لمياء وساره كلهم .؟؟


    وامضى حياته يدعي لساره .. ويبكي على قبرها ،،، ،،،،،،،،،،،،،،،،،،،،،،،، النهاية

    وهلله هلله بالردود الله يجزاكم خير

    فيس بوك
    التعديل الاخير تم بواسطة (muneera) ; 28-11-2010 الساعة 03:43 PM


قصة حب سارة وفهد والله حلوة ومحزنه!‎


مواضيع على تشابه

  1. (( نهاية جنون )) روايه حجازيه >>> الكاتبه قطعة شوكلاته
    بواسطة كاكاكولا في المنتدى روايات رواية Novels Narratives
    مشاركات: 99
    اخر رد: 10-03-2011, 12:48 PM
  2. بنت مع ولد عمها بالماسنجرقصه
    بواسطة وردة.. في المنتدى قصص قصة Stories Story
    مشاركات: 5
    اخر رد: 24-01-2011, 05:16 AM
  3. الى متى ساظل وحيدة اترقب واخاف من غذا كيف ساتي ؟؟
    بواسطة منتهى رجه في المنتدى قصص قصة Stories Story
    مشاركات: 2
    اخر رد: 25-10-2010, 06:03 PM
  4. رواية اذا انتثر دمع عينك رومانسية/ للكاتبة يهزها الشوق
    بواسطة ضحكة شقاوة في المنتدى روايات رواية Novels Narratives
    مشاركات: 136
    اخر رد: 27-02-2010, 10:54 PM
  5. قصة ثلاث بنات وثلاث شباب في خيمة في الصحراء
    بواسطة سمير صلاح نجم في المنتدى قصص قصة Stories Story
    مشاركات: 32
    اخر رد: 18-02-2010, 12:07 AM
الدورات التدريبية جامعة نجران - ارشيف - تراسل
يشرفنا اعجابك على فيس بوك facebook