بسم الله الرحمن الرحيم
-------------------------------
عرفت ابكي من الفرحه
عرفت اضحك من الاحزان
عرفت ان الدموع ارحم واصدق من يواسيني
عرابيات شعر جارحه وقاسيه فت ان الوهم دربي ولا به من يقدرني
عرفت ان الزمن خوان
عرفت ان العيون اللي بكت لي امس
جت اليوم تبكيني
----------
عفيه على قلبك وعفيه عليك انت
تبي الصراحه زين سويت فيني
مشكلتي اني على حبك ادمنت
وبك بساطه قلتها ماتبيني
عفيه على قلبك وشكرا ولا هنت
تبي الحقيقه بيدي اعميت عيني
----------
البارحه في لذيذ النوم لاقيته
حلوم جابت حبيب الروح خداعه
فزيت ارحب ودمع العين هليته
رميت نفسي وجا راسي على ذراعه
وقعدت اضمه وفوق الصدر لميته
واثرني اضم الوساده صارلي ساعه
----------
دنيا غريبه والبشر مثلها اغراب
لو هي صفت لك ما صفوا لك بشرها
تعطيك من لذتها كل ما طاب
تغريك ثم تغرقك في بحرها
وانا عطتني دنيتي الزين والشعر منها شاب
واللي بنا دنيتي هو نفسه اللي دمرهاز
----------
من عادتي مادس درب الصداقه دس
العب على المكشوف واكشف سواده
من مدلي يمناه مديت له خمس
ومن صد عني عفت شوفت بلاده
لاني عزيز وعزتي تحكم النفس
والنفس ماترضى بهون المكاده
----------
مثل النسيم العذب تجرح سكوتي
تسرق بقايا ضحكتي وسط الاصحاب
احاكي اصحابي وهم يسمعوني
وقلبي معك وكنهم عندي اغراب
وعنك يحاول بعضهم يسالوني
متى وكيف ووين اصبحتوا احباب
----------
ابشتكيلك دامك اعز الاصحاب
شكوى جريح يبتسم في ونينه
جرح احسبه طاب واثريه ماطاب
خلا دموع العين تنزف حزينه
جرح مع القلب حاضر ولا غاب
خلا همومي فقلبي سجينه
ماهي جروح الحب الام الاحباب
جرح الصديق اللي غلاته ثمينه
----------
الضحك ماهو علامه مستريح
والبكي احيان مايوحي بحزن
خذ مثل مني: انا قلبي جريح
وابتسم لك من غرابيل وشجن
وان بكيت يجوز ابكي من صحيح
من جرح من ظلم من صدمة زمن
او يجوز ابكي علشان استريح
او نتيجه شوق او خل طعن
----------
مات الحكي واحرجني الموقف احراج
وعجزت اعبر عن هواي اعذريني
ما غير جمله حطها الخوف بسياج
(قلبي يحبك حيل لا تتركيني)
نطقتها اخشى اسبب لك ازعاج
ولولا الغلا ماقلتها صدقيني
----------
عفوا كاني بحقق اخطيت
ارجو السموحه لا تخيب ظنوني
عفوا كاني نسيت او تناسيت
الوقت والايام عنك خذوني
توك قبل لحظه على البال مريت
توني اسولف عن غلاك لعيوني
مثلك انا لا حشا ماتناسيت
وان كان وقتي والمشاغل حدوني
----------
ماتفرق معي لو خذاك الوقت او جابك
فالحالتين الموت اقرب لي من ظلالي
اما بموت من الوله لا طول غيابك
او بموت من الفرح لا شفتك قبالي
----------
اسف على الغيبه ما كنت فاضي
اسف على التقصير لا كنت قصرت
رجعت لك حاضر ماني بماضي
ابعتذر يمكن عليكم تاخرت
حطيت في غيبتك الحب قاضي
وحكم علي ارجع لو ما تبصرت
رجعت لك قانع بحبك وراضي
محد جبرني يوم جيتك وقررت
</b></i>