مشاهدة : 4469
النتائج 1 إلى 2 من 2
  1. #1
    صورة نناررووتتوو
    نناررووتتوو غير متصل طالب ابتدائي
    تاريخ التسجيل
    Mar 2010
    الدولة
    ليبيا طرابلس
    المشاركات
    63
    Thanks
    0
    شكر 0 مرات في 0 مشاركات





    بسم الله الرحمن الرحيم





    نكت ليبية نكت ليبيه

    ================================================= =======


    1 مرة فيه واحد سكر راسه على صوابع خوه.




    نكت ليبية نكت ليبيه


    2 الولد لابنه نسكر التلفزيون . الابن لا لا خليه مردود.



    نكت ليبية نكت ليبيه


    3 مرة فيه شاب مرخي يسوق في سيارة وطلع في الاحمر لحق عليه الشرطي
    بالموطو وقال له بعصبية ليش طلعت في الاحمر رد الشاب بخوف والله انا لما
    طلعت ما كانش احمر هلبة يعني تقدر تقول نص نص.




    نكت ليبية نكت ليبيه


    4 واحد احول بيزوق حوشهم زوق حوش جارهم وجارهم حتى هوا احول خطم عليه قال له "ربي يعاون والعقبة لينا".


    نكت ليبية نكت ليبيه


    5 مرة واحد عضه كلب ردهاله.


    نكت ليبية نكت ليبيه


    6 واحد بطنه توجع فيه مشي لدكتور باكستاني ساله الدكتور لاباس عليك
    ردعليه والله يا دكتور واكل هندي(يعنى تين شوكى الدكتور سيبه وهرب.



    نكت ليبية نكت ليبيه


    7 الاول كيف تقول لشخص اجنبي تعالي هنا بالانجليزي . الثاني
    نقول له "كم هير" الاول وكيف تقول له برة غادي بالانجليزي الثاني
    نمشي غادي ونقول له "كم هير"



    نكت ليبية نكت ليبيه


    8 واحد مشترك في من سيربح المليون ولما وصل في سؤال صعب طلب يتصل
    بصديق واعطاهم رقم مرته ولما كلماته قال لها شنو رايك ياحبيبتي نحذف
    اجابتين او ناخذ راي الجمهور؟.



    نكت ليبية نكت ليبيه


    9 الزبون للبائع عندك سلاطة خضرا البائع للاسف ما عنديش الزبون باهي شوفلي اي لون تاني.



    نكت ليبية نكت ليبيه


    10 الاول تجي نديرو افاري الثاني كيف الاول انتا تعطيني
    نص الفلوس اللي معاك وانا ناخذ منك النص الثاني.



    نكت ليبية نكت ليبيه



    11 الاب للمدرس علاش ضربت ولدي امس المدرس لان ولدك حاشاكم
    حمار ما يعرفش يكتب كلمة "فيل" الاب باستغراب فيل يا ظالم ولد في
    الصف الاول تبيه يكتب فيل قول له يكتب برغوثة عصفورة حمامة بالكثير مش فيل !!!؟.




    نكت ليبية نكت ليبيه


    12 اثنين طرش ساكنين مقابلين بعض الاول طالع من حوشه وشاد في ايده
    بندقية والثاني طالع من حوشه وشاد في ايده بندقية الاول انتا ماشي تبي
    تصطاد الثاني لا انا مكسد قلت نطلع نصطاد الاول خسارة قبل نحسابك ماشي بتصطاد قلت نتسايرو.




    نكت ليبية نكت ليبيه


    13 خانب خش لحوش ولما بدا يخنب فاق بيه مولى الحوش ومرته الخانب جبد
    عليهم موس ورسم على الارض زوز دوائر وقال للزوج اوقف في وحدة من الدوائر وقال للزوجة اوقفي في الدائرة الثانية واحد منكم يطلع رجله من الدورة نقتله! وتلفت للجهة الثانية وبدا يخنب الزوجة تكلم في الزوج وتقول له اهو متلفت للجهة الثانية دير حل واهجم عليه وشده والزوج يضحك ولما يئست منه قالت له ماتقولليش خيرك تضحك الزوج اسكتي من امبكري نطلع في رجلي منالدورة وهوا مش زابطني



    نكت ليبية نكت ليبيه



    14 واحد مشي يزور في خالته خضرا لقاها يابسة.



    نكت ليبية نكت ليبيه


    15 الطفل للاستاذ هل تعاقبني على عمل ما درتاش الاستاذ بالطبع لا!
    الطفل امالا راني ما درتش الواجب.


    نكت ليبية نكت ليبيه



    16 المحبوس الاول علاش حبسوك المحبوس الثاني تصور على خاطر خنبت حبل
    طوله ما يجيش ميترو لاكن في نهايته بقرة.



    نكت ليبية نكت ليبيه



    17 القاضي للمتهم خلي اجابتك كلها شفوي امتى اخر مرة شفت المجني عليه
    المتهم شفوي !.


    نكت ليبية نكت ليبيه



    18 واحد ماشي يزور في صاحبه يبي يعزمه على عرسه ولما طقطق على الباب
    طلعتله بنت وكانت حلوة هلبة ولما شافها تلخبط معادش عرف شن يقول هو عبد القاعد قادر هي للاسف مش موجود من نقول له لما يجي هو قولي له حميدة الجاي لا حميدة اللي بعده عرس الخميس باش يتفضل.



    نكت ليبية نكت ليبيه



    19 واحد ماشي لحديقة الحيوان جي جنب قفص الاسد وخشش دماغه في القفص
    جي الحارس متاع الحديقة يصيحله من بعيد انتا يا راجل يا مجنون شنو تدير
    طلع دماغك من قفص الاسد الراجل غير خيرك خايف عليه تقول بناكلوه.



    نكت ليبية نكت ليبيه



    20 الرجل لخطيبته شفتي القمر يا حبيبتي الخطيبة وشن قالولك اني عمية؟.



    نكت ليبية نكت ليبيه



    21 الطفلة تسال امها ماما علاش العروسة تلبس قفطان ابيض في العرس
    الام لانها خاشة على دنيا جديدة كلها بيضاء الطفلة اها واني نقول علاش
    العريس يلبس في بدلة سوداء؟


    نكت ليبية نكت ليبيه



    22 الطفل بابا علاش انتا اصلع الاب لان الصلعة دليل الذكاء يا
    حبيبي الطفل توا فهمت علاش ماما شعرها طويل.



    نكت ليبية نكت ليبيه


    نكت ليبية نكت ليبيه

    تمت يا حلوين النكت وانشاء الله اتشوفو مرة تانية مواضيع افضل من هادي

  2. #2
    صورة عميد المدرسه
    عميد المدرسه غير متصل جاي معه ملفه
    تاريخ التسجيل
    Mar 2010
    الدولة
    بالبيت
    المشاركات
    11
    Thanks
    0
    شكر 0 مرات في 0 مشاركات
    ههههههههههههههههه هههههههههه
    مشكور
    تقبل مروري

الدورات التدريبية جامعة نجرانبنات السعودية
يشرفنا اعجابك على فيس بوك facebook