مشاهدة : 38467
صفحة 1 من 16 12311 ... الأخيرةالأخيرة
النتائج 1 إلى 5 من 76

روبي أمانة في رقبتك يا نواف /كاملة/حلوووه


مقالات مشابهه موضوع على صله

  1. روايــــــــــة عشــــاق من احـــفاد الشيـــــطان
    بواسطة الدلــوعة في المنتدى روايات رواية Novels Narratives
  2. عشاق من احفاد الشياطين
    بواسطة مجنونهo في المنتدى روايات رواية Novels Narratives
  3. نبذه عن اللاعب الخلوق نواف بندر التمياط
    بواسطة راايف في المنتدى كورة رياضة كرة قدم Football Sports
  4. قصه مرررررررررررررره حلوه
    بواسطة (اهدااب انثى) في المنتدى قصص قصة Stories Story
  5. اخبار اعتزال نواف من الصحف لليوم الاثنين 11/1/1431
    بواسطة "ابومحمد" في المنتدى كورة رياضة كرة قدم Football Sports
  1. #1
    صورة أزهار الصباح
    أزهار الصباح غير متصل طالب متوسط
    تاريخ التسجيل
    Feb 2010
    الدولة
    Jeddah
    المشاركات
    158
    Thanks
    0
    شكر 0 مرات في 0 مشاركات


    البارت الاول
    1


    قبل 20 سنه

    في الرياض الساعه 3 في اليل ركب عبدالعزيز وزوجته روبي في التكسي

    طبعاا الحوار بلانجليزي بس انا بكتبه عربي

    عبدالعزيز: الحين بنروح لبيت اهلي بعرفك عليهم
    روبي: بس هم ما يدرون باني زوجتك؟؟
    عبدالعزيز ايه اليوم ان شاءالله بيدرون
    روبي:بس انت حسب كلامك ان ابوك انسان عصبي ومو سهل التفاهم معه وانه قايل لك انه يبي يزوجك وحده من بنات العائله
    عبدالعزيز: صحيح بس لين شافك بيرضى بامر الواقع
    روبي: ازووز>>>بلهجتها خخ<< انا خايفه
    حط عبدالعزيز يده على يد زوجته روبي عشان يحسسها بلامان وقال: طول ما عبدالعزيز معك انسي الخوف
    ابتسمت روبي لعزووز رغم خوفها من الجاي




    في بيت اهل عبدالعزيز

    كان ابو عبدالله جالس مع عياله وزوجته في بيت الشعر يتقهوى دخل عبدالعزيز عليهم بعد ماطلب من روبي زوجته تنتظره براا شوي
    عبدالعزيز: السلام عليكم
    الكل مارد السلام بسبب تفاجئهم بعودة عبدالعزيز الغير متوقعه:...................
    عبدالعزيز: يبه يمه وش فيكم؟ جالس اسلم عليكم السسلام عليكم
    الكل: وعليكم السلام
    بعد السلام على الكل جلس عبدالعزيز امام اخوانه وابوه وامه وش اخبارك ياولدي والله اني اشتقت لك وكيف الدراسه هناك عساك ماشي
    عبدالعزيز: وانا اكثر يمه والله اني ولهان عليكم والدراسه الحمدلله تمام وهذا انا جاي لكم بشهادتي
    ابوعبدالله:الف الف مبرووك ياولدي والله انك بيضت وجهي ورفعت راسي عند العايله كلها الله يبض وجهك قل امين
    عبدالعزيز امين
    منيره((ام عبدالله)):مبرووك يا ولدي
    عبدالعزيز: الله يبارك فيك
    عبدالرحمن: مبرووك يا اخوي
    عبدالعزيز: الله يبارك فيك
    عبدالله: مبروك يا اخوي
    عبدالعزيز الله يبارك فيك
    عبدالمحسن:مبرووك والله يا اخوي
    عبدالعزيز الله يبارك فيك
    ابوعبدالله:اجل خلاص دامك جاي وجايب الشهادة معد بقى لك غير المره وانا من بكره بروح بيت عمك سعود اخطب لك بنته حصه الي محيرها انا لك من قبل ما تسافر
    عبدالعزيز: بس يا ابووي.........
    قاطعه ابوه:لابس ولا شي بك...............
    قاطع عبدالعزيز ابوه:بس انا متزوج يا ابوي
    بانت على الكل الصدمه
    ام عبدالله:ياويل قلبي ويلااه متزوج ياعزيزان من ورانا؟؟
    وقال محمد بشدته المعروف بها:اسكتي يامره،،خل اتفاهم معه،،وش قلت ياولد؟؟
    عبدالعزيز بثقته وقوته لانه يشبه ابوه كثير: قلت اني تزوجت
    ابوعبدالله:وتقولها ياولد.........،،ماني بسابك حرام فيك حتى السب من وراي؟؟من وراي يا عبدالعزيز؟؟هذاا الي خذناه من الاجناب وقرب لعبدالعزيز يبي يضربه بس مسكته منيره من يده وقالت ادحر الشيطان يا محمد ادحره يا ابو عبدالله>>توضيح للي ما فهم (ادحر الشيطان=تعوذ من الشيطان وابعده عنك))
    ابوعبدالله: اعوذ بالله من الشيطان الرجيم اتركيني يا منيره خليني اربيه من جديد هلي ما تربى
    عبدالعزيز:انا متربي يبه وانت الي مربيني يبه
    ابوعبدالله خلاص ولع فلتت اعصابه: وترد وترد ياقليل الادب
    منيره خافت على رجلها:هد يا محمد
    ابوعبدالله:انا هادي اتركيني
    عبدالعزيز: يبه انا تزوجت وانتى الموضوع وهذي زوجتي معي وهي حامل بعد،،رووبي روووبي ناداها بصوته العالي
    دخلت رووبي كانت خايفه مره برغم انها مو فاهمه شي بس من اصواتهم العاليه حست انهم مو راضين عليه وراحت بسرعه ورى ظهر عبدالعزيز عشان تحس بلامان
    عبدالعزيز: هذي هي زوجتي يبه وانا احبها وابيها وصدقوني والله انكم لو تتعاملون معها بتحبونها مثل محبتي لها واكثر
    ابوعبدالله:سوود الله وجهك من ولد سود الله وجهك
    عبدالعزيز لارد ...........
    ابوعبدالله:شف ياعزيزان والله الي رفع سماه ووطى ارضه لو ما طلقتها وخذت بنت عمك لا انا ابوك ولا اعرفك
    عبداللعزيز: يبه انا ماتزوجتها عشان اطلقها
    ابوعبدالله:طلقها
    عبدالعزيز لارد:................
    ابوعبدالله انا هذاا الي عندي لو ما تطلق بنت الاجناب ذي فانا بري منك ليوم الدين
    عبدالعزيز: بس هي حامل يا ابوي والي في بطنها ولدي
    محمد:وليش مره واثق انه ولدك ممكن مررره انه يكون ولد رجال غيرك وهي لاعبه عليك
    عبدالعزيز خلاص عصب: يببببببببببببه وش هلكلام؟ اكييييييييد ولدي هي توها بشهر الاول وانا متزوجها قبل سنه بس قلت لها ماتحمل عشان كنا ندرس والحين تخرجنا
    ابوعبدالله:ولو كان الكلام الي قلته صحطلقها وخلها عند اهلها ولا ولدت جب ولدك وخل حصه بنت عمك تربيه ولا امك منيره موجوده تربيه لك
    عبدالعزيز يبه وش كلامك هذاا؟ بالله هذاا منطق
    محمد: وتعلمني بعد،،ياخسارة تربيتي فيك ياعبدالعزيز الحين انا الي مرسلك لبريطانيا تدرس وترجع لي بشهاده ترف لي راسي ترجع وانت متزوج ومن اجنبيه بعد ليتها سعوديه اجنبيه اجنبيه يا عزيزان
    عبدالعزيز: يبه الله يخليبك خلها معي انا احبها وخلنا نفتح سواا صفه جديده
    محمد: عبدالعزيز قلت لك طلقها
    عبداللعزيز: بس يبه حراام هي...................
    محمد: طلقها
    عبدالعزيز: يبه..................
    محمد: طلقها
    عبدالعزيز: ..........................
    محمد:طلقها
    عبدالعزيز:.........................
    محمد: لاخر مره يا عبدالعزيز اقولك طلقها
    عبدالعزيز اخيراا نطق:منب مطلقها
    محمد:برااااااااااا براااااااااااااا وانا بري منك ليوم الدين براااااااااا
    منيره: لاااااااااااا لااااااااااااااا يا محمد وراحت تركض ترتمي بحضن ولدها لانها تحسها راح تكون لاخر مره
    محمد: ابعدي عنه يا منيره هذاا موب ولدك اطلع براااااااااااااااا ما ابي اشوف وجهك براااااااااااااااا
    عبدالعزيز يعرف ابوه ويعرف انه لو جلس معه لين بكره مرااح يقتنع عشان كذاا بعد امه عن حضنه ومسك يد روبي وطلع من بيت ابوه وهو يناظر فيه شبر شبر مكان مكان زاويه زاويه يحاول يحفضها ويخليها في عقله عشانه يعرف انه مرااح يرجع مره ثانيه لان ابوه كلمته وحده وما يثنيها والحمدلله انها جت على كذاا




    في بيت عبدالعزيز

    بانجليزي طبعاا روبي:ازووز انت بخير
    عبدالعزيز يحاول انه يبين انه بخير:الحمدلله
    روبي: ليه اهلك كذاا؟؟ انا مسلمه ليش مارضوو يتقبلوني؟؟
    عبدالعزيز:هذي عاداتهم وهذاا ابوي هوو كذاا ومهما حاولنا مراح ننجح اننا نقنعه الا لو طلقتك
    روبي:تطلقني؟؟ ابووك قاسي
    عبدالعزيز ابتسم لها يهديها

























    بعد 8 اشهر

    الدكتوور:مبرووووووووو ووك بنت
    عبداللعزيز بفرحه: الله يبارك فيك
    الدكتوور:بس الام حاولنا الي بوسعنا بس هي نزفت كثير ونزيفها ادى الى وفاتها
    عبدالعزيز: ايييييش؟ توفت!! روبي ماتت
    الدكتور: عظم الله اجرك شد حيلك
    عبدالعزيزجلس في احدى الممرات يبكي زوجته وحبيبته وحياته روبي حبيبته اللي ما تهنت ببنتها ولا فرحت فيها
    وهو على هالحال وصل صديقه سليمان واول ما شافه ضم صديقه واخذ يمسح على ظهره لعله يخفف عليه
    بعد فترة من البكاء فز عبدالعزيز وكانه تذكر شي شهق وقال: بنتي!!!
    عبدالعزيز:ماشفتها بنتي وينها؟؟
    سليمان: انا مريت عليها قمر يا عبدالعزيز قم هد عمرك وغسل وجهك وتعال نروح لها هي في الحضانه
    هز عبدالعزيز راسه بانكسار وكان باين عليه حزنه:......




    عندالحضانه

    سليمان: هااه يا اخوي وش بتسميها؟؟
    عبدالعزيز وهو يشيل بنته ويلاعبها بحزن: روبي،،بسميها روبي
    سليمان بستغرااب:رووبي!!!
    عبدالعزيز:ايه على امها الله يرحمها
    سليمان كان حاس باخوه وصديقه الي الحين صار وحيد بعد وفاة زوجته الي كان يحبها بجنوون ونعم والله
    عبدالعزيز: ينعم بحالك
    سليمان: وين بتروح بعد ما توفت زوجتك؟ من بيربي بنتك ؟
    عبدالعزيز:بيتي،،وانا الي بربي بنتي
    سليمان:بس .........
    عبدالعزيزيقاطعه: لا تخاف علي باقدر عليها
    سليمان:طيب ليش ماتروح لابوك وتتسامح منه؟؟
    عبدالعزيز:بروح له ان شاءالله قريب
    سليمان اجل يله خلنا نطلع ونسوي لها اجراءات الوفاه لزوجتك واسال متى بتاخذ بنتك
    عبدالعزيز وهو يرجع بنته للحضانه: مشينا
    سليمان يله
    سليمان كان فعلاا ونعم الصديق كان اكثر من اخ لعبدالعزيز الي وقف معه في كل صغيرة وكبيرة لدرجه انه خلى روبي بنت عبدالعزيز ترضع مع بنته رهف الي بعمر روبي











    بعد مروور 20 سنه

    روبي: بابا خيييييييير جالسه ساعه اكلمك وانت سرحان ومو يمي

    روبي 19 سنه خلصت الثنوي بالسعوديه واصرت على ابوها انها تكمل الجامعه في بريطانيا عند اهل امها ووافق ابوها لانه من كثر حبه لها مايقدر يرفض لها طلب رغم ان شغله في السعوديه بس عشانها يتحمل فراقها وخصوصاا انه يسافر لها لو كان فاضي وهي وقت الاجازات تجي السعوديه تشوفه >>وصفها:انسانه جميييييله جداا في قمت الروعه ومرررره ناعمه ملامحها تجذبك غصب تدقق فيها شعرها نفس شعر ابوها ناعم الا انه شوي كيرلي ولونه بني طويل عيونها وساع ولونها غريب جداا رمادي على اخضر صعب عليك تحديده ورثت لون العيون من امها اما لون بشرتها برونز مثل لون ابوها اما عن طولها فهوو مربووع لاهي طويله ولا قصيره جسمها خيالي متناسق مع بعضه..


    عبدالعزيز:هااه معك معك
    روبي: اي معك الله يهديك من يوم ماسالتك عن جدي وجدتي وانت سرحان
    عبدالعزيز:وش سؤالك والله ما انتبهت؟؟
    روبي:بابا اقولك وينهم؟ ليه ما نزورهم او هم يزورونا
    عبدالعزيز بعصبيه: روبي كم مره قلت لك قفلي عن موضوع شوفت اهلك هذاا اهل امك موجودين ما يكفونك
    روبي بترجي: بابا حرام عليك خلني اروح اشوفهم ولله بمووت على شوفتهم
    عبدالعزيز:روبي انا اطيعك في اي شي الا هذاا الشي
    روبي بحزن: طييب ليييييييييييييييش ؟
    عبدالعزيز سكت وروبي احترمت سكوته وسرح بخياله قبل 20 سنه

    عبدالعزيز:يبه حراام عليك هذي حفيدتك شفها والله انك بتحن وبتسامحني
    محمد بقساوته المعتاده: لا تحاول الي باعنا عشان الاجناب بعناه
    عبدالعزيز: يبه انت عارف اني ما بعتكم واني كم مره جيت لك استسمح منك بس انت الي مو راضي
    محمد: ولا انا براضي عليك لين تطلقها
    عبدالعزيز: بس روبي يا ابووي ماتت
    محمد: عساك انت وبنتك تلحقونها ويله عطني مقفاك وسكر الباب في وجهه
    رجع عبدالعزيز لارض الواقع على صوت رنين جواله الوووووو
    طلال: هلا طال عمرك
    عبدالعزيز: اهلين طلال
    طلال: والله فيه مناقصه مهمه ولازم ناخذ رايك فيها فياليت لو تقدر تجي
    عبدالعزيز:الحين؟؟؟؟
    طلال: ايه عبدالعزيز: يصير خير مع السلامه
    طلال: مع السلامه




    في غرفة روبي

    روبي:هلا العنود كيفك؟ اخبارك؟؟؟
    العنود: بخير دامك بخير
    روبي العنود بلييييز ابي اطلع قسم اني طفشااااااانه ومتضايقه حدي
    العنود: ليه خير ان شاءالله
    روبي:لين شفتك اقولك
    العنود: خلاص وش رايك نطلع نتغداا
    روبي: اوك ماعندي مانع بس يله ابي اطلع احس اني بطق لو جلست اكثر
    العنود: هههههههههه اوك ياقمر اشوفك في فرايديز بعد نص ساعه
    روبي: اوك سلاااااااام
    العنود: سلاااااام




    في فرايديز
    العنود تاشر لروبي: هناا رووبي
    روبي شافت وجت جلست: مرحبااا
    العنود: مراحب
    روبي: هاا طلبتي ؟؟
    العنود: لا انتظرك
    روبي: اوك،،نطلب اول عشان انا مييييييته جوووع
    العنوود: اوك
    بعد الطلب: هااه قوليلي وش فيك؟؟؟
    روبي: يختي ضايق صدري مررررررره
    العنود: ليش؟؟؟
    روبي:ابوي الله يهديه
    العنود: وش فيه؟ ولا لا تقولين قلتي له للمره المليون عن سالفت اهلك؟؟؟
    روبي: ايه بس ميته على ما اعرف ليه مايبي اي شي يوصلنا لهم؟؟
    العنود: الله يهديك ياروبي انتي ما تملين وبعدين هو كم مره قالك انهم مايبونكم وحكى لك السالفه
    روبي ايه صح بس الحين كم مر على هذاا الكلام 20 سنه وحتى لو صار صح جدي مرررره قاسي صدقيني يمكن لو شافني يلين قلبه ويحن وخصوصاا اني حفيدته ولوفرضاا هوو ما بغاني ابوي يقول ان جدتي منيره مرررره حنوونه وتحب ابووي مررررررره لانه اخر العنقوود وصرااحه انا شفت لجدتي كم صوره وشكلها طيبه حيل وحتى جدي له صور عند ابووي وشفته
    العنود: خلاص دامك شفتيه انسي الموضووع
    روبي لا والله ما اقدر ابي اساله هووليه قاسي ؟ ليه ما يبيني وبيي ابووي؟ بس عشان امي بريطانيه واذا صاار مهما كان الظفر مايطلع من الحم
    العنود: نصيحه انسي الموضووع وابووك ابخص بهم منك ولا لو كانو ناس طيبين كان ما تردد انه يحرمك منهم اوويحرمهم منك
    روبي:بدورهم وبلقاهم وبروح لهم ان شاءالله
    العنود: الله يهديك بس عنييييييييييده
    روبي تغير الموضووع: ايوه ياصديقتي الصدووقه خبريني عن اخبارك
    العنود: والله تماام من رجعنا من بريطانيا وانا ما جلست في البيت بس ادوور انا واخواني وعند بنات عمي وخوالي
    روبي:ونااااسه تصدين احيانناا احسدك اقول ليت اقدر اروح لعماني واشوف لو عندهم بنات واستهبل معهم مثلك
    العنود تبتسم لروبي وتحط يدها على يد روبي تحاول تهديها:ولا يهمك ان شاءالله بتلقينهم
    روبي: ان شاءالله

    العنود صديقة روبي من ايام المتوسط بنت كييوووت مرررررره ونعوومه شعرها اسود وعيونها سود ناعسه جميله وتحب رووبي موووووووت وتعتبرها توئمها هم يدرسوون مع بعض في بريطانيا تخصص ادارة اعمال بس رجعوو السعوديه عشان يشوفون اهلهم باجازة نصف السنه وبيرجعوون يكملون الدراسه بعد اسبوع عشان اجازتهم خلصت




    اليوم الثاني

    عبدالعزيز: روووووووووووبي رووووووووووووبي
    روبي من فوق:سسسسسسم يبه
    عبدالعزيز: يله يا قمري جهزي شنطتك بنسافر
    روبي: صدددددددددق
    عبدالعزيز: يب
    روبيي:ونااااااااااا اااااااااااااااا سه انا مررررررررره احبك يا عزووزي
    عبدالزيز: وانا بعد ياقلب عزووزي
    روبي:بابا وين بنروح؟؟؟
    عبدالعزيز:بنرووح الشرقيه كم يوم عشان اتطمن على الشاليه انا وسليمان
    روبي: طيب ابوي سليمان بيجيب معه اختي رهف
    عبدالعزيز عياله كلهم بس عجلي عشان الطياره بسرعه
    روبي اوك دقايق واكون جاهزه




    في الشرقيه

    روبي: رهفففففففففففففف
    رهف: هلا والله وغلا برووبي قلبي واختي وتضمها
    رهف 19 سنه اخت روبي من الرضاعه بنفس عمرها تحب رووبي وربي تحبها بشكل مو طبيعي حلوة وشعرها اسوود مررره حبووبه حييييييييل وبشرتها بيضاا وملامحها جذاابه مرره عيونا وسااع مكحلة من الله
    روبي: يا بعدي والله قسم انك واحشتني مووووووووووووووت
    رهف: ايه باين لو واحشتك كان دقيتي مو تسحبيييييين
    روبي بدلع:رهوووووفه قلبي
    رهف:ايه ايه كملي يابنت عبدالعزيز هذاا الي عندك الدلع لا طحتي في بلاا
    روبي: هههههههههههههههه
    رهف: ايه يحقلك وراك ناس تسمع كلامك
    روبي: اقول يله بس مشينا على الكرنيش ترى مررررررره متحمسه له واحشني موووت
    رهف: حتى انا والله مييييته على ما اشوفه




    على الكرنيش

    رهف: روبي وجع وش هل هبال وش ناويه عليه؟؟؟؟؟؟؟؟
    روبي ولا شي بس بلحق سيارة الاسكريم ركض
    رهف: الظاهر استخفيتي اقول اعقلي ترى احنا بلسعوديه مو ببريطانيا
    روبي: واذا انا وش بسوي؟؟
    رهف: بتراكضين قدام الله وخلقه كنك مهبووله
    روبي: ياماما انا خبالي ماهوو اي خبال انا خبالي من نوع راقي
    رهف بعصبيه مصطنعه: روبيييييييي بلا هبال ولا والله لا اتبرى منك
    روبي بطنازه: لا يا جدي محمد على غفله
    رهف نست انها معصبه ههههههههههههههههه
    روبي: هذي الي معصبه
    رهف خلاص فصلت ههههههههههههههههه ههههه
    روبي: الحمدلله والشكر ههههههههههههههههه هههههههههه


    مررت الايام في الشرقيه ولا اروع ورجعوو للرياض








    انتهى البارت الاول



    اتمنى انه نال اعجابكم واشوف ردودكم الحلوه

    توقعاتكم...

  2. #2
    صورة أزهار الصباح
    أزهار الصباح غير متصل طالب متوسط
    تاريخ التسجيل
    Feb 2010
    الدولة
    Jeddah
    المشاركات
    158
    Thanks
    0
    شكر 0 مرات في 0 مشاركات

    البارت الثاني
    2



    بيت عبدالعزيز


    عبدالعزيز:روبي
    روبي وهي لاهيه مع المسلسل:سم يبه
    عبدالعزيز:خذي هذي الاوراق واقريها وقولي لي وش رايك بهذي المناقصه
    روبي بتافف:بابا كل مره اقولك...............
    عبدالعزيز الي حفظ روبي وش تقول:اذا عزووزي موجود انا وش يفهمني بعده
    روبي:هههههههههههههه هه الحمدلله انك داري
    عبدالعزيز:وانا اقولك افهمي عشان بعد عيني انتي الوريثه الوحيده لي
    روبي: باباااااااا وش هذاا الكلام ترى جد ما اشووف الورق
    عبدالعزيز:تهددين
    روبي بمزاح: ايه اهدد
    عبدالعزيز": طييب انسي الشي الي جايبه لك
    روبي:وشووو؟؟؟
    عبدالعزيز:لاااااااااا موب انتي منتي بشايفه الاوراق؟؟
    روبي بدلع: لا وشوووو امزح معك يعني انت ما تعرفني؟؟؟
    عبدالعزيز:اااه منك انتي بس
    روبي: هههه طالعه على ابووي قويه
    عبدالعزيز:وانا اشهد انك بنت ابووك
    روبي: طيب وش جايب لي؟؟؟
    عبدالعزيز:لاب توب
    روبي:جد نفس الابتوب الي طلبته بدال حقي الي خرب
    عبدالعزيز: ايه
    روبي بفرحه: وييييييينه؟؟؟؟
    عبدالعزيز:في غرفتك
    روبي:وااااااو ونااااااااااسه
    عبدالعزيز:الله يجعل ايامك يابنتي دووم وناسه
    روبي:اميييين مررره ثانكس>>>يله عن اذنك بروح اشوفه
    عبدالعزبز: الا اقول يا روبي
    روبي سم يبه
    عبدالعزيز: ترى حجزك لبريطانيا بكره الساعه 4 الفجر
    روبي: واااو مرره بدري
    عبدالعزيز: ايه بس وش اسوي هذاا الي لقيناه وبعدين احسن لك عشان توصلين في النهار مو في اليل
    روبي: صح
    عبدالعزيز: طيب كلمي احد من خوالك عشان يستقبلك هناك
    روبي: ايه بدق على خالي كرستيان اصلاا هوو قال كلميني انتظرك
    عبدالعزيز بحزن: زين
    روبي: بابا وش فيك حبيبي كنك مو على بعضك؟؟
    عبدالعزيز: لا ولاشي بس انتبهي على نفسك حبيبتي وضم بنته لاشعورياا
    روبي الي خنقتها العبره وحست بحزن غريب ماتدري ليه وبكت بصوت مسموع
    عبدالعزيز: روبي حبيبتي ليه الدموع؟؟؟
    روبي ببكاء: بابا ما ابي ا...اسا.....فر وتشاهق
    عبدالعزيز وهو يبعدها عن حضنه: ليه ياماما هذاا مستقبلك ولازم تكملين
    روبي:ما ابي اخليك يابابا
    عبدالعزيز: ومن قال اني بخليك ياعيون بابا
    روبي بفرحه بين دموعها:بتروح معي؟؟
    عبدالعزيز: لا حبيبتي انا ما اقدر
    روبي رجع لها حزنها من جديد: اجل ليش تقول مرااح اخليك؟؟؟
    عبدالعزيز: مرااح اخليك من اتصالاتي من جياتي لك زيارة لو ماكان عندي شغل
    روبي: بابا بسسسسسس
    عبدالعزيز يقاطعها: لا بس ولا شي وبعدين الي يسمعك يقول اول مره تسافر،،ترى هذي ثاني مره انتي رحتي ترم كامل والحين بتروحين ان شاءالله الثاني وتكملين سنه
    روبي: ايه صح بس انا يابوي ما...........
    عبدالعزيز: عارف ماتبين تتركيني بس خلاص دراستك ومستقبلك مهمين لا تهملينهم عشاني وبعدين انا ابيك لا تخرجتي تجين تكملين عني شغل انا تعبت ويمكن اقعد في البيت ادرسي وخذي شهادتك عشان ترجعين تديرين املاكك بنفسك حبيبتي
    روبي:الله يعطيك طولت العمر وانت ان شاءالله بتكمل شغلك وانت شباب بسم الله عليك وش زينك
    عبدالعزيز وهو يحاول يخفي حزنه عشان يطلع بنته من الي هي فيه: ههههههههههههههههه هه اي شباب تلعبين علي بكلمتين
    روبي والله انك شبااب وسيد الشباب بعد
    عبدالعزيز وهو يضرب بنته على خفيف يمزح: اقول قومي بس جهزي اغراضك وراك سفر لا اعلمك من الشباب
    روبي: هههههههههههه وهي تاشر على عيونها من عيوني
    عبدالعزيز: تسلم العيون وراعيتها
    روبي ارسلت لابوها قبله في الهوااا وراحت على غرفتها تسكر شنطتها وتتاكد اذا ناقصها شي






    في المطار


    روبي وهي تبكي: بابا والله ماودي اسافر
    عبدالعزيز بحزن على بنته: وش فيك يا بنتي؟ ترى ازعل منك
    روبي: يبه الله يخليك
    عبدالعزيز: وبعديييييييييييييين وش اتفقنى امس عليه؟؟
    روبي: ان شاءالله
    عبدالعزيز وهوو يضم بنته من كل قللبه مايدري ليه هذي المره يحس انها اخر مره يشوف بنته فيها: الله يحفظك يابنتي وانتبهي على نفسك زيييييييييييييين وخلك على ماربيتك
    روبي بين شهقاتها: ان..شا.....ءالله ...يبه
    عبدالعزيز وهو يبعدها عن حضنه بحزن وهو ماوده:مع السلامه
    روبي ببكاء: مع السلامه



    راحت روبي للطيارة وقلبها مع ابوها الي ما تردي ليه هوو كذاا حزين

    اما عبدالعزيز فبعد مابعدت بنته عن حضنه وهو يراقبها لين اختفت عن عيونه ومسح دمعه حاره خانته وقال: الله يحفضك









    بعدساعات طويله من الانتظار في الطائره اعلن الكبتن عن هبوط الطائره بسلام ولله الحمد في بريطانيا







    كل الكلام بلنجليزي في بريطانيا بس انا بكتبه عربي اوك>>>طبعاا الا سعوديين كلامهم سعودي مايحتاج اعربه >>>تنكتين خخخ





    نزلت روبي وخذت شنطتها وهي تدور بعيونها على صديقتهاا العنود الي سبقتها بيوم لبريطانيا لمحت روبي خالها كرستيان وراحت ركض له وهي تركض طراااااااااااااااخ اااااااااااااااااااااااا اااااه،،stupid
    الشاب: والله انتي الي stupid>>>بالله عسى ما تكلفت
    روبي سعوودي والله لوريه:ماتشوف؟؟؟
    الشاب اماااا هذي سعوديه قويه>>بس شكل لسانها طويل والله لادبها:لا ما اشوف وش عندك؟؟،،وبعدين انتي الي تركضين مو اناا انا واقف
    روبي: اافففففففففففففف ،حتى ذووق مافي وراحت وخلته
    الشاب يعلي صوته عشان روبي تسمعه لانه راحت عنه لخالها:مخلي لك الذوق يا ام الذوق
    روبي سمعته وانقهرت منه بس ماهي فاضيه له عشان ترجع تتهاوش معه خاااااالي كرستياااااااااااااا اااااااااان
    انجليزي اكيد كرستيان: هلووووووووووو روبي الحمدلله على السلامه
    روبي: هلووو الله يسلمك
    كرستيان يله نمشي
    روبي: اوك بس انا انتظر العنود صديقتي
    كرستيان: اوك ننتظرها برااا او اتصلي عليها
    روبي: اوك بتصل
    روبي: الوووووووو
    العنود: هلا
    روبي: وينك؟؟؟
    العنود: برااا انتظرك
    روبي: خلا ص اوك انا جايه سلام
    العنود: سلام







    برااا عند المطار


    العنود: اخيراا ما بغيتي تجين
    روبي: ليه اشتقتي لي
    العنود: اكييييييييد وهذي يبيلها كلام
    روبي: ياحبي لك
    العنود: وانا اكثر
    روبي: اسمعي انا بروح الحين بيت خالي كرستيان عشان مرررررره تعباانه من السفر
    العنود: اوكك اشوفك بكره
    روبي: اوكيكات باااي
    العنود: باااي






    في بيت خالها كرستيان


    روبي:خالي اناا مرره تعبانه كيف تبيني نروح مانشستر؟؟؟
    كرستيان:عاادي نامي في السياره!!
    روبي:اي سياره حراام عليك والله اوعدك في اول ويك اند نرروح لها نشوفها
    كرسستيان بس امي تقول تبي تشوفك لانك وحشتيها
    روبي:خلاص انا بكلمها وان اشاءالله بتقتنع بس خلني انام الحين بكره عندي جامعه
    كرستيان:اوك

    معلومه:طبعاا روبي تدرس في لندن بس اهل امها((جدتها) ساكنين في مانشستر





    في اليوم الثاني

    في الجامعه


    رووبي بفرحه: هااي فيصل
    فيصل 22سنه حلو وطويل وبشرته حنطيه انسان قمه في الروعه بسبب اخلاقه الحلوه وروحه الطيبه وهو انسان حنوون وهادي جداا بس لا عصب ولا انقهر انقلب 180 درجه عن ما هو كان عليه
    فيصل: اهلييييييين هلا وغلا بروبي بعد قلبي والله
    العنود: لييييييه واحنا مالنا رب
    فيصل: هههه افاا الا لكم رب ونص هلا والله وغلا بزين كله عنوودي
    العنود: الله يسلمك
    روبي:فيصلووه وين خويك ؟؟
    فيصل: ااااااه بس منه زيوود والله انه يقهر تخيلي طلعت وهو نايم معيي يقوم
    العنود وروبي:ههههههههههههه هههههههه
    زياد: كني سمعت اسمي بطريقه اكرهها
    زياد 22 سنه مربووع الطول ملامحه جداا جذابه انسان جداا اجتماعي يحب يستهبل كثير لكنه في وقت الجد رجاااااااال
    فيصل ببرائه مصطنعه: ميييين قليل الحيا الي نطق اسم خويي بطريقه يكرهاا؟؟؟
    العننود: سبحان الله يسب نفسه صدق انك قليل حيا
    الكل الا فيصل طبعاا: ههههههههههههههههه هههههههه
    فيصل: الحين انتي مرررررره مبسووطه بنفسك يومك تطنزين
    زياد: ايه والله يازينها تهبل وانا اشهد
    فيصل يصطنع العصبيه: الحين انت ويها مسوين حرب علي انا اعلمكم
    زياد: واحلى حرب بعد دام العنود معي
    فيصل بتكشيره:ياااااااا الللللللله وش بيفكنا منه الحين
    روبي: وش فيك؟ مين؟؟؟؟
    فيصل: التفتي وراك وبتعرفين
    روبي الي تلتفت وتكشر:افففففففف ياهوو لزقه ذاا الانسان
    العنود:بقووه تدري ان طيارتنا المر هالي راحت صدفه كان معنا ونشب نشبه الله لا يوريكم
    فيصل وزياد:ههههههههههههه ههههههههه
    سالم:هااااااااااااا ااي شباااب
    سالم عمووماا عاادي الهيئه لا هوو جميل جميل ولا قبيح قبيح يعني بين البينين مربووع الطول شعره اسود ابيض البشره اماا الاخلاق مييييييييييييييح الكل يعرف انه انسان جااي يتسلى فقط لا غير ولا الدراسه اخر همه كل يوم مع بنت شكل وكلللللللللللللهم يشتريهم بفلووسه لانه كاااااااااااااش>>وهذ ي المره طالع بطلعه جديده عااجبته روبي ووده يلعب معها شوي...
    الكل:هااااي
    سالم:كيفك روبي؟؟؟
    روبي وهي ماتعطيه وجه:الحمدلله
    سالم: ان شاءالله دووم تصدقين السفره الي فاتت وحنا راجعين الرياض كانت مرررررره حلووه وااو لانك كنتي معي فيها
    روبي وعييين الا كانت اشين مره ايه صح>>>ابوو التسليكه
    سالم تلعبين علي بس هين انا ما وريتك من اناا ما اكوون سلووم:كيفك العنود؟؟>>>>بدري يا ابوو الشباب
    العنود وعععع مو بخير من شفتك":الحمدلله
    فيصل يبي يصرفه تقاطعه: اقول بلا حركاات خلنا ندخل الكلاس وبعده ان شاءالله نجلس جلسه تماام
    الكل ماصدقوو يبون الفكه وكل احد فيهم على كلاسه طاار بسبب سالم: اووك







    بعد الكلاس


    العنود: اقول روبي خل نروح السوق اليوم ابي اشتري شووز للمطر حقي مرره تقطع وبلمره نفتك من ذاا الي اسمه سالم ثقيل الدم اففففففففف
    روبي: ابي افهم وين المطر عشان نروح نشتري؟؟؟>>>بس دامك قلتي نفتك منه يله نهج
    العنود:انتي يعني ماتعرفين ان جوهم بسم الله عليه يلعب تلقين الجوو صااااااااااافيي وفجه يغيم وفجئه يجي مطر ما تفهمين كيف
    روبي: هههههههههه والله انك صادقه اجل خلاص رحمتك نروح نشتري
    العنود: يله
    روبي:بقولك سالفه واحنا نمشي
    العنود بهتماام: وشي؟؟؟؟
    روبي:امس بلمطار خبطت في واحد سعوودي مزيوووووون بس يقهر قليل ادب
    العنود: هههههه الحمدلله والشكر مزيون ويقهر وقليل ادب وشلون تجتمع مدري ؟
    روبي: فيه هووو اجتمعت
    العنود: طيب المهم
    روبي: المهم وانا جايه اركض يوم لمحت خالي كرستيان الا واخبط في صدره عشانه طويل الله يهديه طبعاا ما شفت وجهه توني وقلت له stupid طبعاا هوو يوم سمعني قال انتي الي stupid طبعاا بغيت افطس ضحك هههههههه ما ادري كيف تجي هذي المهم الي بس يوم عرفت انه سعودي قمت قلت له انت ما تشوف ناس ما عندها ذوق قال مخلي لك الذوق
    العنود: ههههههههههه منتي بصاحيه انتي وياه والمشكله تقول انه قليل ادب وهي الي باديه وسابته
    روبي: وش قصدك؟ يعني انا الي قليلة ادب
    العنود: والله الي على راسه بطحاا يحسس عليها ترى وصلنا المحل
    روبي: طيييييييييييييييي ب ياعنيد والله لا اوريك ولا اعرفك ولا تعرفيني زعلت عليك
    العنود وهي تسحب روبي من ملابسها: اقول ادخلي وانتي ساكته
    روبي: مو عشانك عشان نفسي ترى دخلت
    العنود: الحمد لله والشكر بس اقول دوري معي على بوت حلو وانتي ساكته






    في شقتهم


    روبي طبعاا ساكنه هي والعنود في شقه وحده بس تشوف خالها بين فتره وفتره اذا جاا لندن لان عنده شقه هناك بس هوو مستقر في مانشستر مع امه...
    روبي:يختي تعبتيني مافي شي يعجبك ترى مطر مو عيد ولا عرس
    العنود:بالله تنكتين يعني والله انها بايخه بضاعتهم يالله القى شي يناسبني
    روبي:اقوول انتي الظاهر تحسبيت نفسك عندنا في السعوديه اشتري الماركه الفلانيه من المحل افلاني هييييه اصحي ترى في بريطانيا يعني اي شي يمشي ولا يجيبون خبرك البريطانين
    العنود:هههههههه والله انك صادقه شكلي بشتري ذي كالي شفناها فياخر محل دخلناه كانت ماعليها
    روبي:اااايييه شطووره عنودتي تعجبني الناس الي تسمع الكلام
    العنود:نكفيييييييييي












    بعد مروور 4اشهر

    روبي عند جدتها لانها تروح لها بين فتره وفتره كل ماصار عندها ويك اند..

    روبي تكلم ابوها: الوووووووووووووووو و هااي باب
    عبدالعزيز: هلا وغلا والله ببنتي الغاليه
    روبي: هلا بك
    عبدالعزيز: وش اخبارك عيووني؟؟؟
    روبي: بخير دامك بخير
    عبدالعزيز:هاااااااه كيف الدراسه؟؟؟
    روبي: الحمدلله تماااااام
    عبدالعزيز: عساك ماشيه
    روبي: بابا وش فيك الي يسمعك يقول ما كلمتني امس
    عبدالعزيز والله كيفي بنتي وابي اتطمن عليها
    روبي:تطمن كل شي ما شي تماام
    عبدالعزيز: الحمدلله،،اجل تبين شي يا عيون عبدالعزيز
    روبي: سلامتك حبيبي
    عبدالعزيز: الله يسلمك بحفظ الله
    روبي: وياك


    اول ماقفلت روبي من ابوها راحت ولبست بجامه بنك برموداا سيور ونزلت تحت عند جدتها



    روبي: هاااااي
    الجده: هااااااي
    روبي: انا مرره جايعه فيه عشاا
    الجده: ايه اكيييييد شووفي خليت لك في المطبخ
    روبي: ثانكس
    الجده: ولكم

    وبعد ما تعشت جلست مع جدتها شوي وبعدين طلعت على طوول نامت







    انتهى البارت الثاني





    توقعاتكم...

  3. #3
    (الطالب المشاغب) غير متصل موقوف Baand
    بسبب الإعلانات تم حظر جميع روابطه وأي وسيلة اتصال
    تاريخ التسجيل
    Mar 2010
    المشاركات
    100
    Thanks
    0
    شكر 0 مرات في 0 مشاركات
    تراني متحمس ابي اشوف التكمله سريع الله يرضى عليك

  4. #4
    (الطالب المشاغب) غير متصل موقوف Baand
    بسبب الإعلانات تم حظر جميع روابطه وأي وسيلة اتصال
    تاريخ التسجيل
    Mar 2010
    المشاركات
    100
    Thanks
    0
    شكر 0 مرات في 0 مشاركات
    هاه وين التكمله

  5. #5
    صورة أزهار الصباح
    أزهار الصباح غير متصل طالب متوسط
    تاريخ التسجيل
    Feb 2010
    الدولة
    Jeddah
    المشاركات
    158
    Thanks
    0
    شكر 0 مرات في 0 مشاركات
    البارت الثالث
    3


    في الجامعه


    فيصل: روبي اليوم ودي نطلع
    روبي وين؟؟؟
    فيصل:الي تبين
    روبي:بلحالناا طيب؟؟؟؟؟؟؟
    فيصل: اكييييد لا يعني انا وانتي وزياد والعنود واذا احد بيجي من القروب الي معنا
    روبي: اهاا كذاا ممكن،،بس ما اوعدك يعني انا ما احب اطلع كثير
    فيصل: على راحتك بس ردي لي اوك
    روبي لا وش دعواا عن اذنك بروح ادور العنود
    فيصل: اذنك معك





    شقة روبي والعنود


    العنود:هههههه صدق انك ما عندك سالفه
    روبي": اجل انتي الي عندك؟؟
    العنود: اكييييييييييييييد
    روبي: وشووو؟؟؟
    العنود:نرووح معهم
    روبي":والله؟؟؟
    العنود: وليه لا والله عاادي
    روبي: اوك
    العنود: مرره حلوو اننا نروح ونغير جوو هذي الدراسه وخصوصاا اننا على وشك امتحانات
    روبي: تهقين ؟؟
    العنود: ايه ليه لا
    روبي: صح
    العنود: اجل توكلنا على الله،،بس كلميه واساليه وين؟؟
    روبي: اوكك




    في شقه فيصل وزياد


    زياد: هوو حلوو انك عزمتهم
    فيصل: ايه والله
    زياد: عااد تتوقع يجون؟؟؟
    فيصل ليش لا
    زياد معك حق لك....................
    فيصل بفرحه واندفاع يقاطعه: هذي روبي تدق
    زياد بنفس الفرحه والاندفاع: طيب وش تستنا رد عليها بسرعه
    فيصل: طيب الوووووووووو
    روبي: هلا فيصل كيفك؟؟؟
    فيصل: الحمدلله بخير كيفك انتي وكيف العنود؟؟؟
    روبي: الحمدلله تماام التماام
    فيصل:الا بغيت اسالك وش صار على الطلعه بتجون؟؟؟
    روبي:ان شاءالله بس كنت بسالك وين بنطلع ؟؟
    فيصل: البحر!!!
    روبي: جد!!!البحر؟؟؟؟
    فيصل: ايه ليش ما تحبينه؟؟؟
    روبي: الا بلعكس بس استغربت
    فيصل: لاتستغربين ولا شي بكره ان شاءالله ننتظركم الساعه 1 الظهر نتغداا هناك
    روبي بعتراض:طيب فيصل ليه ما تخليها الصبااح احلى نفطر
    فيصل: بسس من عيووني الصباح الصبااح
    روبي: تسلم عيونك،،بغيت شي قبل اسكر؟؟؟؟
    فيصل: غير سلامتك ما ابي
    روبي: الله يسلمك بااي
    فيصل: بااي
    زياد بطنازه: من عيوني الصبااح الصبااح،،غير سلامتك ماابي،،ورجع للجد ككان عطيتها بوسه مو احسن
    فيصل: خييييييير انت ترى هي مو اكثر من مجرد اختي،،وانت عارف وش اقصد؟؟
    زياد: واضح وان تالي كنت من شوي بتتشقق من الوناسه
    فيصل:والله عااد كيفي وطلع خلاه




    اليوم الثاني الصباح عند البحر


    فيصل: خالد بلله قم نسبح شوي احس اني حراااااان موووت
    زياد: يله وش ورانا ؟،،والتفت على البنات بمزاح تجون معنا
    روبي والعنود: تخييييييل
    زيادوفيصل: ههههههههههههههه، يله سلام
    البنات: سلام
    العنود: يختي ودي اسبح معهم؟؟؟
    روبي: تخيلينا متحجبات ونسبح
    العنود: عاادي وش فيها بلايز طويله وعلينا حجابنا كنه مطر نزل علينا
    روبي: اقول بس يله قال ايش قال مطر
    العنود باستهبال: افففففففف انتي مره معقده مدري كيف انا متحملتك،،والمشكله امك بريطانيه مدري لو كانت سعوديه وش بتسوين؟؟
    روبي: ههههههههههههه امي بريطانيه بس ابوي سعوودي الله يخليه لي،،،الا ذكرتيني ماكلمت عزووزي اليوم وطلعت جوالها تكلمه
    العنود: اجل كلمي عزوزك وانا بروح للنشبه لمار مع اني ما ارتحت لها بس بروح اجلس معها على ما تكلمين
    روبي: اووك

    دقت روبي على ابوها بس مارد وبعدين مره ثانيه عطاها مشغول فقالت اكيد في اجتمااع او مشغوول عشان كذاا مارد وحطت جوالها في الشنطه ويوم رفعت راسها شافته بجسمه الرياضي وشعره المبلوول وطوله الي ماتقدر توصله حتى لو كانت واقفه وببتسامه عذبه قال:وش عندك جالسه لحالك؟؟؟
    روبي: تو العنود قايمه من عندي راحت لمار عشان كنت بكلم بابا اتطمن عليه
    فيصل جلس جنب روبي بس بينهم مسافه بسيطه:عساك تطمنتي؟؟
    روبي: لا مارد شكله مشغول
    فيصل: ايه اكيد مشغوول ولا كان رد عليك
    روبي:صح
    فيصل بتردد: ممكن اسال سؤال؟؟؟
    روبي: تفضل
    فيصل: انتي تثقين بلمار كثير ؟
    روبي: عاادي يعني مافي بيني وبينها احتكاك كبير
    فيصل: زين،،بس نصيحه لاتحتكين فيها كثير
    روبي باستغراب: ليش؟؟؟
    فيصل:يعني ترى سمعتها مو لذيك الدرجه
    روبي:مسويه معك شي؟؟
    فيصل:لا ان شاءالله الله لايقوله بس الي اسمعه عنها
    روبي:مو كل شي عن الناس يتصدق
    فيصل:صح بس الاحتياط واجب وصرااحه هي باين عليها
    روبي:انا والله ماشفت منها شي بس عشانك بحاول انتبه منها
    فيصل ابتسم ابتسامته العذبه وبادلته روبي نفس الابتسامه
    بعد فتره تدرين انك تعجبيني؟؟!!!
    روبي:انا!!!!
    فيصل ايه باخلاقك بكل شي فيك يعني غيرك امها بريطانيه كان عاادي عندها تسوي اي شي بس انتي احسك محترمه ومتربيه والي محليك حجابك
    روبي ببتسامه حياا حلوه شكراا احرجتني
    فيصل: لا ليه تنحرجين وهذاا الصدق ولا نسيتي حناا اخوان
    روبي: ماعليك زود اكيييد ما نسيت وكيف بنسى؟ تبي حبايب القلب يذبحوني؟؟؟
    فيصل ابتسم: الله يسلمك
    زياد بدخله عرض:وش عندهم طيور الكناري
    روبي ولع وجهها من الاحراج وفيصل يوم انتبه لها فما حب يحرجها فقال:اقول لا يكثر جلسه بين اخواان فيها شي
    زياد: لا مافيها الله يهني سعيد بسعيده
    العنود: ههههههههههههههههه ه الحمدلله والشكر عليك كلام احياناا يا زياد تححححححفه سعيد وسعيده ههههههههههههههه
    الكل: ههههههههههههههههه هههههههههههه




    مرت الايام سريعه على الابطال


    ماحصل شي يذكر غير ان الابطال قوت علاقتهم ببعض لكن بحدوود المعقول...

    ايام الاختبارات

    روبي: العنود تعالي اشرحي هذي لي جد ماعرفت لها
    العنود: دقايق بس اخلص الي معي خلها تدخل مخي
    روبي:العنود: انتي ما شاءالله مايحتااج بسم الله عليك شاطره
    العنود: ايه داريه طالعه عليك يابعدي
    روبي: يالبه قلبك بس
    العنود: وقلبك
    روبي: يله عن المجاملات والخرابيط خلينا نذاكر انا ما ارضى برسووب
    العنود: الله رسووب مره وحده بسم الله علينا فال الله ولا فالك
    روبي: ههههههههههههه يله اشرحي لي بس
    العنود قامت لجنبها: اوك وريني؟؟




    شقة فيصل وزياد


    فيصل:الحين كم مره اشرح لك وانت ما تفهم،،وش ذنبي لو كنت بقرة؟؟
    زياد: والله انت البقرة انت وشرحك البايخ اصلاا انا الي غلطان انزل مستوااي لك
    فيصل: مسكيييييييييييييين ياعمري رحمتك
    زياد:اقول اقلب وجهك بس
    فيصل:من عيوني بس على اي صفحه؟؟
    زياد: بايخه نفس صاحبها
    فيصل يبي يقهر زياد: هههههههههههههههه
    زياد بغيض مصطنع: مراح ارد عليك وراح لغرفته وتركه




    اول يوم الاختبارات


    روبي: فيصل درست زيييييييييييين؟؟؟
    فيصل: تماااااااااام التماام وانتي؟؟؟
    روبي: الحمدلله،،وين زياد؟؟؟
    فيصل:توه دخل الكلاس مع العننود سبقونا بس انا وقفت انتظر
    روبي: ياحياتي تسلم
    فيصل: الله يسلمك،،مشينا عشان مانتاخر على الاختبار
    روبي:يله


    مرررررررت الاختبارات سريعه على ابطالنا




    يوم النتائج


    العنود: واااااااااااااااا اااااو رووبي نجحناااااااا
    روبي: اماااااااااااااانه جد؟؟؟
    العنود: والللللللللللللله مبروووووووووووووو ك
    روبي: الله يبارك فيك،،مبروووووووووك
    العنود: الله يبارك فيك حتى زياد وفيصل نجحوو
    روبي: صدق وش درااك؟؟؟
    العنود: شووفي اساميهم
    رووبي:الحمدلله زين والله بس غريبه وينهم ماجوو ياخذوون نتايجهم
    العنود:مدري؟؟،،،بس اتوقع يكونون نايمين




    في شقه فيصل وزياد


    زياد: اقولك ماني برايح مرررررره خايف احمل ماده
    فيصل: ليش تحمل مو انت ذاكرت؟؟
    زياد: ايه بس ولو مرررره ضايق خلقي
    فيصل: زياد ترى تاخرنا ترى جد برووح واخليك
    زياد: ............................
    فيصل: مع السلامه وطلع
    زياد افففف خل الحقه احسن لي يعني لو قعت بنجح مثلاا




    في بيت جدة رووبي


    طبعاا روبي سافرت لجدتها في ولاية مانشستر لتفرحها بنجاحها....

    كانوو كلهم مجتمعين رووبي مبرووك
    روبي: الله يبارك فيك ياجده
    كرستيان:مبرووك رووبي
    روبي: الله يبارك فيك
    بعد مباركاات الجميع لها وللعنود:كلمتي ابووك تعلمينه؟؟؟
    روبي:كلمت بس مارد علي اصلاا مستغربه من امس وهوو جواله مغلق
    الجده: وااااي؟؟؟؟
    روبي: مدري
    العنود:الا صدق احسسسسه مررررررررررره بيستانس على انك خلصتي سنه من الجامعه
    روبي: اييييه مررررررره عاد عزووزي الله يخليه لي دايم يقول خلصي الجامعه عشان تشتغلين وانا اتقاعد ياحبي له وابتسمت وهي تتذكر شكل ابوها
    العنود: عااد متى ناويه ترجعين الرياض عشان الصيف جاا انبسطي بتروحين لعزووزك
    روبي: ايه والله مرررررررره مشتاقه له خل ارووح اجرب يمكن يكون فتح الجوال بس غريبه مو من عوايد ابوي يسكر جوااله
    الجده: جربي الحين
    روبي:اوك
    جربت رووبي ليييييييييييين داخت ولا رد حتى جوال طلال سكرتير ابوها مغلق مرررررررره غريبه




    في اليل مرره في بيت الجده


    كرستيان خال روبي ينادي بصوت عاالي:روووووووبي رووبي
    روبي:وت؟؟؟
    كرستيان: البسي بسرعه وانزلي فيه ضيوف تحت ينتضرونك
    روبي: ضيووف مين؟؟؟
    كرستيان البسي وبتعرفين،،ونزلي حجابك معك لانه رجال
    روبي مالها خلق تلبس وكان قلبها مرره قابضها وخايفه ما تدري ليه ونزلت وتفاجئت
    :طلااااااااااال
    طلال:يله ياروبي،،جيبي شنطتك ومشينا على المطار الطيارة بعد ساعتين
    روبي: بسسسسسسس ،ابووي فيه شي
    طلاال:امشي معي لو سمحتي هذي اوامر الوالد
    روبي: يعني هوو بخير؟؟
    طلال:انا انتظرك براا ياليت تجهزين بسرعه>>>طلع
    روبي بصدمه يارب بابا مايكون فيه شي



    طلعت فووق بسرعه وتجهزت وطلعت وراحت للمطار هي وطلال وطيراان عشان الطيارة ما تفووتهم وحاولت طوول طريقهم في الطيارة مع طلال انها توصل معه لحق او باطل بس للاسف ماكان فيه ابرد من طلال الي كان كلامه يطلع من فمه بندره





    انتهى البارت الثالث

صفحة 1 من 16 12311 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران
يشرفنا اعجابك على فيس بوك facebook