مشاهدة : 168649
صفحة 13 من 38 الأولىالأولى ... 311121314152333 ... الأخيرةالأخيرة
النتائج 61 إلى 65 من 187

(حــاولت أنســـاك لكــن إحســاسي هــواك) رواية جنان


مقالات مشابهه موضوع على صله

  1. قصة رومنسيه حب عند المصعد قمة في الرووووووووووووعه
    بواسطة ياغلاهم يا كاسرهم في المنتدى قصص قصة Stories Story
  2. أجمل قصة حب في العالم
    بواسطة قلم حبرة ألم في المنتدى قصص قصة Stories Story
  3. قصص رومانسيه حزينه
    بواسطة bahazah في المنتدى قصص قصة Stories Story
  4. اجمل قصة حب في العالم
    بواسطة genex في المنتدى قصص قصة Stories Story
  1. #61
    صورة أنا مدري لي الحياة تعذبني
    أنا مدري لي الحياة تعذبني غير متصل يطلع بدون استئذان
    تاريخ التسجيل
    Jul 2009
    الدولة
    KSA
    المشاركات
    293
    Thanks
    0
    شكر 0 مرات في 0 مشاركات


    **البارت التاسع**
    ملاك من بعد ما طلعت من غرفة ريان
    ملاك في نفسها:يمه هذا من وين طلع لي الخدامه التبن تقول مافي رجال في البيت وشلون طلع اكييد هذا ريان بس احس ان صوته مب غريب علي يووه الحين وش يقول عني لا وبعد فاتحه الباب بدفاشه ولا دقيته
    الحين وين اروح اخاف ادخل غرفه غلط يارب ساعدني من ذا البيت
    شوي وتسمع صوت ضحك بنات من الغرفه الي جمب غرفة ريان
    ملاك راحت ودقت الباب من غير تردد
    ريم:ادخل
    ملاك وهي تحاول تخفي ارتباكها قدام ريم:السلام عليكم يا القاطعه
    ريم بفرح:ملااك
    ملاك:بشحمها ولحمها
    ريم وهي تركض وترمي نفسها في حضن ملاك
    :ملاك يالدب وحشتيني
    ملاك:اقوول قومي عني بتطيحيني
    ريم وهي تبعد عن ملاك:وشلونك والله ان لك فقده وينك
    ملاك وهي تتذكر المواقف الي خلتهم يتبعدون طول ذي الفنره:بخير الحمد الله والله انه انا الي فاقدتك اكثر
    ريم حست على ملاك:ملاك قلبي سامحيني والله ما كنت ادري عن نوايا امي
    ملاك وهي تبتسم:ريم حبيبتي دريت انك ماكنتي تدرين بلموضوع وتراني موافقة
    ريم بستهبال:اي قالتلي امي اصلن بتلقين احسن من اخوي
    ملاك بنص عين:هاا لاترى بهون هذي اولها اجل الله يستر من تاليهاا
    ريم وهي تضحك:هههه لا ولي يعافيك هو الي ما رح يلقى احسن منك
    ملاك:ايه خلك كذا هو بعد يحصله ملاك بدر
    ريم:تصدقين انكم تنفعون حق بعض
    (كل هذا الكلام وملاك وريم عند الباب ناسين الي قاعدين جوا ووحده منهم الصدمه قاضيه عليهاا)
    بشاير:احمم الحين كل ذا وما ندري عنه ولا تعرفيناا
    وشهد للحين مصدومه ومو معاهم
    ريم وهي تتذكر بنات عمها:اووه سوري اخذتنا السوالف ولا عرفتكم على مرت اخوي قريبا انشاء الله ملاك وذولي بنات عمي بشاير وشهد
    ملاك ببتسامتها الي تخقق:تشرفت بمعرفتكم
    بشاير بصدمه:هذي الي رح تتزوج ريان
    ريم:هاو بشاير وشفيك
    بشاير تناظر اختها شهد الا واضح عليها اثر الصدمه وهي تناظر ملاك من فوق لتحت:لا ولاشئ والله احنا الا لنا الشرف
    اقوول ريم انا وشهد بنمشي الحين تصبحون على خير
    ريم وهي تروح عند شهد:شهد وش فيك
    شهد تناظر ريم بحقد وكره اول مره تناظر فيه احد:انتي ولا كلمه تتكلمين ولاحتى تنطقين اسمي على لسانك تدرين انك حقيره
    هذا وانا معتبرتك زي اختي وتدرين اني احب رياان من انا صغيره
    وشهد الدموع بدات تنزل من عيونها:لا وبعد تروحين ببصاطه على قلبك تعرفيني على خطيبت اخوك ونسيتيني لهدرجه تحسبيني ماعندي احساس ما عندي مشاعر ما احس والمشكلة تدرين اني احبه من يوم كنت بزر وكل شئ يسير معاي اول وحده كنت اقول لها هي انتي كنت اقول لك عن كل صغيره وكبيره في حياتي والحين عشان بنت توك تتعرفين عليها نسيتيني
    وانا كنت ادري ان ريان ما كان يحبني بس ما قدرت انساه لين الحين
    قلت يمكن بكرا يحبني
    رييم انا داريه انه ماكنتي تقدرين تخلين اخوك يحبني بلغصب بس تقدرين تسوين اشيااء كثيره واقلها انك تراعين مشاعري يوم تنقون لريان عروس ولا تتكلمين قدامي (للاسف انتهى كل شئ دامك بعتيني برخيص ابيعك بارخص )
    واخضت شنطتها وطلعت من الغرفه ركض وبشاير تناديها ولحقتهاا

    ريم كانت كل كلمه تطلع من شهد تطعن في قلبها مثل السكاكين وفجاء من دون سابق انذار بدات الدموع تنززل من دون توقف
    اما ملاك كل واحد يحط حاله مكانها ورح ييفهم احساسها راحت لريم وحضنتها بقووه
    ريم بعدم تصدق وصدى كلمات شهد تتردد باذنها
    ((دامك بعتيني برخيص ابيعك بارخص للاسف كل شئ انتهئ)
    ريم بصياح وصوت مبحوح:ملاك انتهئ كل شئ بيني وبين شهد ما اصدق والله ان مالي دخل هذا كله من وراى راس امي هي الي كانت حتفرقني منك والحين فارقتني من شهد كله منهاا هي اصلن طول عمرهاا كذا مشغوله عن عيالها ويوم تتذكرهم اتمنى انها ما تتذكرني نخرب شئ كبير في حياتي تدرين ان شهد هي اختي الي ما جابتها امي كانت اعز قريبه لي وكل اسراري عندها زي ما اسرارها عندي والله اني ما بعتها ولا شئ
    ملاك بحزن على حالت صديقتها:خلاص يقلبي هي يمكن كانت بحالت صدمه فكانت تقول اي شئ وانشاء الله ترجعون لبعض واكثر من قبل يلا عاد لاتبكين وراحت جابت منديل ومسحت فيه دموع ريم
    يلا حبيبتي تعالي ارتاحي
    وودت ريم السرير وغطتها يلا قلبي انا بعد شكلي جيت في وقت غلط بكرا اشوفك وسامحيني اذا سويت اي مشكله بينكم
    ريم:ملاك انتي كذا تقولين اي وقت تجين فيه البيت بيتك
    ملاك: اوكي حياتي ارتاحي الحين وبكرا اول ما تصحين دقي علي اوكي
    ريم حست انها تحتاج ملاك انشاء الله
    ملاك يلا قلبي تصبحين على خير
    ريم:ملاك
    ملاك:هلا
    ريم:شكرا
    ملاك تبتسم لريم:لاولو يقلبي عادي وعلى موضوع شهد انشاء الله بترجعون واحسن من قبل بعد
    وطلعت ملاك
    بيتهاا
    **بيت ابو راكان**
    في الصاله كان جالس
    ابو راكان ام راكان راكان
    ام راكان:ياهلا والله بولدي راكان وينك محد يشوفك ذي الفتره
    راكان:ياهلا فيك يمه والله الشغل ذي الايام ماخذ كل وقتي
    ابو راكان:مب زين عليك نت كل وقتك في الشغل ياولدي العمر يخلص والشغل ما يخلص وانت كل وقتك مشغول
    ام راكان:ايه والله خلصو الموضفين خل الموضفين يشتغلون معاك ولا تتعب نفسك كذا
    راكان:يمه تدرين ان انا ما اعتمد على اي احد واضمن انه يخلص شغلي ولو اسوي شغلي بنفسي
    ام راكان:ااجل بس لاتقطعنا كثير راكان ليش ما جبت مرتك رهف ونوافي معاك
    راكان:والله اني توي مخلص شغل وجيتكم البيت وما مريت على بيتي الاوين فاروس
    ام راكان:الله يهديه اكيد طالع
    خل اقوم ادق عليه
    *****
    فارس:هلاا وغلاا بست الحبايب
    الام:ايه تاكل عقلي حلوه ادري فيك
    فارس وهو يضحك:اجل كاشفتني
    الام:اكييد انت وينك فيه اسمع ازعاج عندك
    فارس:والله انا الحين في coffe مع اخوياي
    ليش عسئ ماشر
    الام:لا سلامتك ماشر بس اخوك راكان عندنا
    في البيت
    فارس:لاا راكاانوه عندنا اجل الحين بستاذن عن الشباب وبجيكم
    الام:اجل ننتضرك
    فارس:ok beey

    **بيت ابو بدر**
    في غرفة ملاك
    ملاك تفكر في موضوع زواجها الا قرب
    واتذكرت اعز صديقة لطفولتها
    ملاك يووه وشلون نسيت العنود ولا دقيت عليهاا والله لوتدجري من غيري بتسويلي سالفه يووه ذا الريان نساني كل شئ
    *****
    ملاك:الوو
    العنود:هلا والله باالقاطعه
    ملاك:الحال من نفسه
    العنود:لا والله انا ادق على جوالك بس ما تردين امس
    ودقيت على البيت وامك قالت لي انك طالعه
    ملاك:اهاا وشلونك
    العنود:بخير الحمد الله وانتي وشلونك
    ملاك:الحمد الله
    بقولك شئ بس اخاف تزعلين اني ماقلت لك بس ترى
    قبل لا اقولك انا ذي الفتره كنت محتاره ومتوتره عشان كذا نسيتك
    العنود:هااو ملاك وش تبين تقولين تراك اشغلتيني
    ملاك:انا انخطبت قبل اسبوع
    العنود:وش الجديد انتي كل ما يجيك واحد رديتيه
    ملاك لا الحين في جديد
    العنود بعدم تصديق:اجل موافقه
    ملاك وهي منحرجه:ايه
    العنود:مبرروك اخيرا ما بغيتي وتوك تقولين لي يا الدب
    ملاك:والله مثل ما قلتلك اني ذي الفتره ناسيه نفسي من التفكير فيه احس انيس متسرعه
    العنود:اقوول الحين بتقولين لي كل شئ مب على الطاير المبروك (وهي تقلد ملاك:انا مارح اتزوج الا فارس الاحلامي الي مواصفاته ..........................))
    يعني طلع نفس مواصفاته
    ملاك:وهذي المشكله اني ما ادري عنه شئ ولا شفته بس ابوي وامي سالو عنه ويقولون انه والنعم فيه
    العنود:لا اكييد الموضوع فيه ان اجل ملاك توافق على واحد ما تعرفه ولا شافته
    ملاك:اولا انا استخرت وارتحت له
    و ثانيا لان سارت مشكله بيني وبين وصديقتي ريم
    العنود: اهاا ريم الااتعرفتي عليها في الجامعه وش دخلها هي
    ملاك:ال.................................. ..... ...الخ
    العنود:وعشان كذا وافقتي
    ملاك:تصدقين لو قلت لك مدري ليش حسيت اني ابي ذا الشخص يوم تكلمني ريم عنه
    بس هو شافني يوم رحت بيتهم وسارت مشكله بين ريم وبنت عمها بسببي والله احس اني ندمانه اني خربت علاقتهم
    العنود:ليش وش ساار بعد
    ملاك:ال::::::::::::::::::::::::::::::::::: :::::: ::::::الخ
    العنود:اول شئ زين انه شافك
    ثانيا ياقلبي انتي مالك شغل في موضوع ريم وقريبتها انتي ما كنتي تدرين عنها وبعدين مو تقولين انه ما كان يحبها مثل ما هي تحبه
    ملاك بحزن:ايه بس مدري لو تشوفين كيف كانت مصدومه والصياح والله انها قطعت قلبي
    احسها صدق تحبه بجنوون من يوم هي صغيره
    العنود:الله يجازيها الا احسن منه
    ملاك:امين
    تدرين اني خايفه ان ريان شافني
    ولا انا لو تشوفيني وشلون افتح الباب بدفاشه
    العنود:ههههههه ايه والله من الرجه الزايده الي انتي فيها
    تلقين الرجال بيقول هذي المرجوجه الي انا باخذها وبيهون
    ملاك بخوف: ايه والله خايفه من ذا الشئ تراني متفشله وخايفه وبيكون بدال ما انا ارده هو بيردني
    والله لوسار كذا مدري وش بيسير فيني كله من ذي الخدامه التبن
    العنود حزنت على صديقتها:هاو ملاك وشفيك تراني استهبل معاك هو فيه احد يشوف ذا الملاك قدامه ويهون والله اشك انه بكراا الزواج
    ملاك ارتاحت شوي:الله يطمن قلبك طمنتيني شوي
    العنوود:الا اقوول ملاكوه
    الامتى الخطوبة
    ملاك:والله مدري من بعد المشكله الي سارت نسيت اسال امي
    العنود:اوكي حبيبتي متى ما عرفتي دقي علي وقوليلي
    ملاك:شكراا عنوودوه والله انك ريحتيني
    العنود:لا شكرا على واجب يقلبي ومبرروك
    ملاك:الله يبارك فيك وعقبالك
    ******
    **بيت ابو ريان**
    يوم الخميس
    الساعه 2 الظهر
    ريان وهو يدق باب غرفة ريم
    ريم:ادخل
    ريان:مساء الخير
    ريم:هلا رياان مسااء النور
    ريان:وشلونك اليوم
    ريم:بخير الحمد الله
    ريان وهو يحاول يسحب كلام من ريم:اقوول ريم امس ازعجتوني ما قدرت انام وش فيكم
    ريم وهي مو حابه تتذكر امس:لا سلامتك ولاشئ
    بس سوالف بنات
    ريان:من كاان امس عندكم
    ريم بستغراب: بنات عمي مب انت الي جاي معاهم
    رياان:شهد وبشائير وبس
    ريم:هااو ريان وش بلاك تسال كثير ايه بس
    ريان (يا الله وش ذا الغباء الي في اختي الحين وشلون بتفهم)
    ريان بكذب:لاا بس امس يوم كنت في الصاله دخلت بنت كانت تبيك
    ريم وهي تتذكر:اييه هذي صديقتي ملاك
    ريان وهو رافع حاجب: هي اسمها ملاك
    ريم:ايه
    ريان (اييه واخيراا يا ملاك لقيتك والله ما اروح ذي الفرصه لو وش يسير))
    ريان يصرف:يووه نسيتيني يوسف ينتظرني برا
    بااي
    وطالع بسرعه من الغرفه عشان ريم ما تساله اي سؤال
    ريم بستغراب:هااو وش فيه اخوي
    اليووم
    ((وبعدين اتذكرت:يووه وش ذا الذكاء نسيت ما اقوله انه هي الي بياخذها
    هو ما اعطاني فرصه اتكلم
    يلا الحين ولا بعدين اخرتها بيعرف)

    **بيت ابو بدر**
    على الغداء
    ابو بدر:اقول يا بنيتي
    ملاك:سم يبه
    ابو بدر:يوم الاربعاء هذا الخطوبه والزواج
    ملاك غصت في الاكل:كح كح وشوو هذا الاربعاء وانا اخر من يعلم
    ام بدر:والله امس بليل دقت علي ام ريان وقالتلي ان ريان مستعجل بيسافر بدري وبياخذ اجازه 3 اسابيع بيكونون شهر العسل
    ملاك:يمه وش ذا ما يمدي نسوي شئ ولا اتجهز وانا للحين ما شفت ذا الريان وشلون كل ذا الاستعجال
    ابو بدر:يا بنيتي سواء الحين او بعدين اخرتها بتتزوجين وبتروحين بيت رجلك
    ملاك:بس يبه ما يمدي نسوي شئ
    لا وبعد الخطوبه والزواج مع بعض
    وشلون ا تعرف عليه او اعرف ان هذا الشخص يناسبني ولا لا وهو مافي خطوبه
    ام بدر:يا ملاك يا قلبي اذا عن التجهيز من اليوم انشاء الله بنبدا تجهيز وبنات خالاتك بيساعدونا
    ابو بدر قاطعها:واذا عن ريان انا قلت انه رجال والنعم فيه وسال عنه وبعد موصي كل معارفنا يسالون عنه وقالو انه رجاال زين وابوه انا اشتغل عنده من سنين وانتي تعرفينه يوم كنتي صغير كنتي تروحين معاي عنده عرفتيه
    ملاك لا يكون ابراهيم ال....
    ابو بدر:ايه هو واعتقد انك شايفه ولده ريان يوم كان صغير
    ملاك:يعني ريم بنت ابراهيم ال. والله صدفه
    ابو بدر:شفتي وشلون وانشاء الله مثل ما شفتي ريم وحبيتيها بتحبين اخوها ريان واكثر منها بعد
    ملاك:انشاء الله
    عن اذنكم ابي اطلع غرفتي
    الام والاب:اذنك معاك
    **غرفة ملاك**
    ملاك على طوول دقت على العنود
    العنود:هلا حبيبي
    ملاك وهي تصيح:العنود الحقيني
    العنود بخوف:ملاك قلبي وش فيك
    ملاك:الاربعاء زواجي
    العنود ارتاحت شوي:هااو يقلبي كل ذا الصياح وتطيحين قلبي في بطني عشان زواجك الاربعاء مبرروك
    ملاك:العنود مب وقت استهبالك هذه الاربعاء
    العنود:الاربعاء هذا وشلون
    ((ملاك قالت للالعنود كل السالفه))
    العنود:طيب ياحياتي انتي تدرين انه عنده شغل برا عشان كذا مستعجل وانا قلتلك من قبل يوم يشوفك بياخذك بكرا بس هو ما اخذك بكرا بياخذك الاربعاء
    ملاك وهي تصيح:عنوود
    العنود:ملوكا حبيبتي ليش كل ذا الصياح
    ملاك:خايفه والله خايفه
    العنود بستغراب:من وشو خايفه ياقلبي
    ملاك:خايفه اني رح اتزوج قريب من واحد ما اعرف عنه شئ والمصيبه اني رح اعيش معاه في بلد ما اعرف فيها احد
    العنود بحزن:ملاك ياعمري زوجك بيكون مب احد وبس بيكون كل شئ فحياتك
    وبعدين وش بيخوفك اذا انتي معاه بتكونين امانه برقبته
    ملاك:خلاص خل افكر وبعدين بدق عليك
    ****
    **بيت ابو رياان**
    ريان وهو يفتح الباب توه بيطلع
    وقفه صووت من ورااه
    :رياان
    *************
    ((انتهى البارت التاسع))
    توقعاتكم

    ما الشئ الذي يخطط له رياان للانتقاام من ملاك
    وهل سوف يتم الزواج
    وماذا سوف يحل بشهد
    وهل رييان سوف يعرف ان التي سوف يتزوجها ملاك
    **كل هذا واكثر سوف ترونه في البارت القادم
    .............***...........
    باذن الله
    االخميس
    وشكرا على المتاابعة

  2. #62
    صورة أنا مدري لي الحياة تعذبني
    أنا مدري لي الحياة تعذبني غير متصل يطلع بدون استئذان
    تاريخ التسجيل
    Jul 2009
    الدولة
    KSA
    المشاركات
    293
    Thanks
    0
    شكر 0 مرات في 0 مشاركات
    صح قصيير بس انشاء الله البارت القادم بيكون اطوول (ويمكن) رح اخلصه قبل الخميس

  3. #63
    صورة نوريه القمر
    نوريه القمر غير متصل يحضر الماجستير بالشغب
    تاريخ التسجيل
    Jan 2010
    الدولة
    السعوديه
    المشاركات
    889
    Thanks
    0
    شكر 0 مرات في 0 مشاركات
    واحنا في الانتظار ننتظر البارتات الجايه يسلموا قلبوا

  4. #64
    اسماء سماسم غير متصل طالب ابتدائي
    تاريخ التسجيل
    Mar 2010
    الدولة
    مصرام الدنيا
    المشاركات
    90
    Thanks
    0
    شكر 0 مرات في 0 مشاركات
    انا انتظر البارت الجاى بس لا تطولى علينا
    ترانا متحمسين يسلمو
    روايه تجنن

  5. #65
    صورة نوريه القمر
    نوريه القمر غير متصل يحضر الماجستير بالشغب
    تاريخ التسجيل
    Jan 2010
    الدولة
    السعوديه
    المشاركات
    889
    Thanks
    0
    شكر 0 مرات في 0 مشاركات
    بليزز تكمله عشان خاطر المتحمسين

صفحة 13 من 38 الأولىالأولى ... 311121314152333 ... الأخيرةالأخيرة
جميع ماينشر يمثل الكاتب ولايمثل الموقع والادارة والمشرفين
الدورات التدريبية جامعة نجران
يشرفنا اعجابك على فيس بوك facebook