مشاهدة : 3751
النتائج 1 إلى 7 من 7
  1. #1
    صورة مارادوناا
    مارادوناا غير متصل طالب متوسط
    تاريخ التسجيل
    Mar 2009
    المشاركات
    261
    Thanks
    0
    شكر 0 مرات في 0 مشاركات





    مارادوناا















    (1)
    انا خالي رجال كبير بالعمر وعنده عزيمه كبيره وكلهاا مشاايخ ونااس كبار وراح العصر الصيدليه لقى هالاكياس مكتوب عليها فوط .....!
    قام شراها قال هاذي اوجه واحسن من المناديل وحطها على الغسالات يوم طلعو النااس من الرجال من العشاا الا ياقلبي هو يقول مسحو وراكم مافتحتوها وكلهم مستحين محد قال شي ويجي واحد ينادي ولد خالي قال الحق شف اهلك وش حاطين على الغسالات ولد خالي شالها ولا عاد دخل على الرجال وخالي جاا معصب من الي شال الفوط خخخخ
    2
    مرة من المراري
    كنت قاعده في الملحق انا وخالتي ام زوجي وخوات زوجي وكنت توني معرسه مابعد كملت سنه اضن
    وفيني رجه مهيب طبيبعيه
    المهم كلمت ابو الشباب مدري هو كلمني قلت له وينك تاخرت؟؟
    قال في الحاره مير يغزني بليس قلت ورى ماتروحين تخبين ورى الجدار تروعين رجلك
    مير اسمع باب الكراج ينفتح واطيييييييير اركض اتخبى ورى الجدار
    واسمع باب الكراج يتسكر
    وانا عاد اقوم استعد احمي يديني للخبطه
    واسمع باب السياره ينفتح
    واخذ نفس
    واسمع خطواته جاايه
    المهم مادريت الا الرجال يمشي
    عاد طريقه الجدار الي عند الكراج اذا دخل يصير معطيني ظهره وانا وراه
    ياليت يوم بليس غزني قال اصرخي في وجه اسحبي شماغه
    بس بليس قال اهبديه
    وظلاام جهت الكراج
    واجي طاايره وباقوى قوه اقدر اسويها اخبطه مع ظهره من ورى بين كتووفه
    <<<<الله من الجفااسه حتى في المزح خخخخخخ
    مسيكين هو من قوه الخبطه
    ومادريت الا الكراج ينفتح مره ثانيه
    صار الي جااي اول اخوو رجلي
    وهو الي تلقى الضربه ارض جو
    والله اني بغيت انحاش مع باب الكراج يوم انفتح من الفشيله
    واطلب الطلااق
    التفت علي قااااااااااااال عمىىىىى
    عاد انا بغيت ازعل يوم قال عمىىىىى
    <<لها وجه تزعل
    مير تشوفوني ااسفه ااسفه ومغطيه وجهي بيدي احسبك فلاان
    <<<<يقالك ستيره متغطيه خخخخخخخ
    قال تكفين خفي على اخووي خخخخخخخخ
    عاد مير انا الي انصى رجلي وانا ازبد من الحمق<<<بعير مو انسانه
    واقوله السالفه
    قال اشوى فيه ولا فيني خخخخخخ
    قلت رح تعذر له واشتر له فكس على حسابنا خخخخخخ
    عاد رجلي قال ترى فلانه تحسبك انا لاني مكلمه قايل انا قريب حول البيت
    قال الله يصبرك يااخوي انتبه لاتزعلها تذبحك خخخخخخ
    اذا هذا مزح اجل شلون اذا زعلت
    ===========================================
    (3)
    البنت هاذي زينه مره وحبيبه بس يعيبها رجولها كباار خخخخ تزوجت وانهبلو عليها اهل رجلها من سناعتها وزينها وحبابتها بسم الله عليه
    تقول مره مجتمعين هي وحملوتها حريم عيالهم وبناتهم وبنات بناتهم متزوجات كثاار مره
    تقول مير تجي سلفتها تقول لها فلاااانه
    قالت سمي<<<<يقالك ذوق خخخ
    قالت ولدي يقول رجوول خاله فلاانه كبااااار وسوود وانا وابوه متنا عليه من الضحك خخخخخخ حسبي الله على عدوانها
    تقول ميرررر الدنيا تدوور بي ابرد ماعرف من الروعه والمفاجاءه تقول قلت ياحبيله بسم الله عليه ذكي <<<<شوفو الخبال خخخخ
    تقول حسبي الله عليها جابت لي العقده صرت لين جيت اروح لحمولتي اقعد قبل يويمن افرك رجوولي خخخخ ومرات اذا صندل يسمر لطيت المكيااج في الرجوول

    (4)
    هذا الله يسلمكم يوم زواجي من بكره رحنا نتعشى عند اهله عشان رحلتنا بالليل بنسافر المهم دخلت عليهم وطاارو فيني وانا عاد راسي انتفخ الظاهر اني حاسه بعقده نقص
    قال زوجي تعالي اوريك جناحنا على اساس اني ابسكن عندهم المهم طلعت فوق ونزل زوجي وانا قعدت اتضبط شوي وجيت انزل ومستحيه بيتهم مليان ومادري وين ارووح معه وقاعده ساعه عند باب المجلس كل ماجيت ادخل استحيت لين طلعت امه في وجهي شافتني ارتاعت قالت بسم الله الله يفشل العدوو المهم دخلت وجلست كل بزارينهم متجمعين تحتي كاني تمثال ابو الهول يتفرجون على العرووس وانا مغير ابرد شاهي واشرب بزارينهم مادري من الروعه وكل واحد يقول انا ماشربتيني
    تعشينا وجا زوجي قال يله بنمشي وجا معه اخوانه بيودعونه وبيسلمون علي واتغطى بالشرشف مادريت الا علبه المناديل الخشب الي صاقعه وجهي والله اني حاسه بدوخه من قوه الضربه واصرخ ذيك الصرخه الا ولد اخت زوجي شيطااااااني امه مستاذيه منه صقعني فيها تطامرو خواله الي يخبطه مع راسه وانا من الروعه اقول لاعاااادي ماعورني اصلا ماطقتني العلبه
    كل هالصرخه واقول ماطقتني وعيوني تصب دمووع واقول في نفسي الشرهه على الي يتزوج ولدهم
    قال له زوجي قلها اسف يله بسرعه ودخل راسه تحت الشرشف وانا الي احمر عيوووووووني عليه واكشر في وجهه قام الله يفشله قال يمه عيونها تخوف كبار وحمر بصووت عالي بغى يغمى علي من الروعه


    (5)
    انا مره رايحين البر انا وحمولتي واخوان زوجي وحريمهم
    المهم ان زوجي حااط علب بيبسي فوق بعض وقااعد يصوب عليها بالبندق<<<ياقدمها خخخخ
    قصدي بالساكتون
    وصارو بالدور هالشباب الصغار وخواته يصوبون ولا واحد جاابها
    جيت انا طاايره قلت انا ابجرب
    قال وخري بس لاتفشلينا اخاف تذبحين احد ونتوهق ندفع اديه يبي يحطمني ويقهرني
    ومير انشب بحلقه ويضحكون يقولون عطها خل نشووف
    يوم خذته تعالي شوفي التعليقات الي تقول ابركب عيالي السياره لاتصوبين عليهم والي يقول ابنحااش
    واحس بقهر في قلبي واقول في نفسي ياودود ياودود انك تنصرني عليهم
    واشيل السلاح واحطه على كتفي حسيت كاني لوااء من فرحتي
    يوم اطلقت الرصاصه واجيبهااا وانا بنت ابووي
    وتعاالي شوفي التعليق الي يقول فلانه جابتها والي يقوول اكيد متعلمه من قبل والا شلون تجيبينها
    ورجلي انهبل شفتو ام فلاان<<الحين صرت ام فلان اول يتهزا فيناا
    عااد انا رااسي صارر كنه منطااد من الفرحه<<<الي يركبون فيه في افلام كرتون خخخخ
    قلت يله ابسوي مره ثانيه
    وكلهم متشوقين ومتجمعين يله يله وانا عااد يارض انهدي ماعليكي قدي
    واجهز الساكتون واحط طرفه على كتفي واغمض عين وافتح عين يقالك مركزه
    عاد قمت اتميلح عندهم كاني خبره صدقت عمري
    توني حاطه يدي على الزناد وطاالقه الرصاصه الا شي قال ببومب وقزاز انتثر اثاريني من زود التحمس جت الرصاصه في لمبه سياره رجلي خخخخخخخ
    والله عقب ماكان مفتخر فيني وفرحان فيني حسيت انه وده يكفخني ومجاامل عند اهله خخخخ
    وتعالي شوفي الضحك علي والكل عرف ان المره الاولى صدفه

    (6)

    قبل كم يوم كلمت وحده اعزيها في امها وكانت امها لها مده في المستشفى حول شهرين وكنت كل فتره اكلم اسال عنها
    المهم الحرمه ماتت الله يغفر لها وكلمتها اعزيها ودار هالحوار بينا
    هلاا فلانه عظم الله اجرك
    هلا والله اجرنا واجرك
    الله يجمعك بها في الفردوس ياارب
    هي تقول ااميييييييين
    عاد السلك زي ماقلت لكم مافيه
    قلت انا الا بشريني عن الوالده عسااها الحين احسن خخخخ
    قالت هي هووووووو انتي تعزيني في مين اجل
    عاد انا دوريني ماتلقيني
    ومره رحنا لاخت زوجي واطلع وانسى ولدي عندهم خخخخخخ ياخزياه مانسيته الا عند الحموله ليتني ناسيته في بيت خالتي والا اهلي والا خالي خخ
    مادريت الا تدق علي قالت مانسيتي شي قلت ايي قصدك الصينييه بعدين جيبيها معك
    الله يخلف على قلبي ذكرت صينيه المكرونه وماذكرت ولدي موديه معي لها صينيه مكرونه واحسبها تقصد الصينيه خخخخ
    قالت لا ولدك تراه انهبل يقوول امي نستني خخخخخ

    ومره دخلت محل ابشتري شي وانشب بحلق الرجال على خمسه ريال ابيها يخصمها مادري وش جااني على هالخمسه وانشب في حلقه نشبه الحساب كان اعتقد 25 وابي احاسب بعشرين اخر شي يبي يفتك مني قال خلاص طيب واعطيه خمس ميه واترك الباقي كله واطلع خخخخخ
    ومره رحنا انا وخواتي نعزي سلفه اختي المهم دخلنا وقامت تقص علينا قصه وفاه امها انها ارتفع السكر عليها ودخلت بغيبوبه وانها صحت قبل ماتموت بااسبوع
    واجي عاد انا المفهيه اشواا الحمد لله صحت الحمد لله على سلامتها
    خواتي طلعو من غير مايقولون مع السلامه من الضحك

    ومره اختي كلمت امي قالت ام سلفتي ماتت ابمرك نروح نصلي عليها ومرت امي وراحو المسجد تقول اختي يوم كبر الامام واذكر ان ماعلي صلاه خخخخخخ تقول واتغطى واقعد اضحك يوم سلمت من الصلاه قالت لها الي جنبهاا حرام ياختي كل هالصيااح امسكي نفسك تحسب اختي تصيح
    (7)
    هذا موقف لاختي في شهر العسل
    كانو مسافرين براا
    ودخلو مطعم يتغدون تقول جاب لنا المنيو واختار زوجها وش يبي ةجا دورها وتقول قال لها زوجها تبين اساعدك في اختيارك
    تقول وخيتي مير اعصب عليه قلت لاا انا اعرف اختارر
    وهي تقول في نفسها حاقرني يحسبني ماعرف انجليزي
    وتلقى هذاك الطبق وتجوز لها مكوناته ولقته غالي قالت اكيد زين
    المهم جابو طبق زوجهاا تقول مادريت الا ذيك العربيه يدفها ثنين عليها رجل عجل خخ مغلفه بقصدير
    تقول كل تالي في الطاولات يناظرون هالعربيه وين بتروح وتقول وانا التفت على رجلي قلت وش بياكل هاللحم هاذي يبي لها عشر اشخاص وهي تضحك مادرت انها لها خخخخخخ
    تقول مادريت الا جابوها لي وخلو واحد واقف فوق راسي يقطع لي وانا اكل خخخخ تقول متنا من الضحك انا وزوجي قال تستاهلين

    (8)
    انا اذكر كنت مسافره عند خالتي وبعد فتره لحقتنا امي
    قالت مره خاالي قره عينك

    وش رديت عليها انا

    ياليتني انثبرت ابرك

    قلت الله يقرقر عينك خخخخ
    قالت حسبي الله على عدوك بسم الله علي الله يخلي لي عيوني
    عاد عرفت بعدين اني المفروض اقول بنبيك(محمد عليه السلام)

    (10)

    اذكر مره قبل ماعرس يوم اني بنت بنوت خخخخخ انحاشو خدامات اهلي في رمضان
    قامت امي تول ول
    رجلن عصبي ويحب الاكل الزين<<<<ابو طخومه
    وبنات داجات مايعرفون يسوون شي<<<<طخومه واخواتها على وزن كان واخواتها
    وام تحب السنع والزين<<<<<ام المجني عليها طخومه خخخخ
    مير يوم شفنا امي ضايق صدرها ونقوم نفزع انا وخواتي معها في المطبخ
    قالت امي اللقيمات هي الي تاخذ وقت وابوكم يحبها وهي عاجنتها قالت بس انت لقموها وبعيدن ننقي الزين منها نحطه لابوكم والشين لكم
    <<<تعجبني امي صريحه
    مير اختي تلقم بالملعقه عقب ماعلمتنا امي الطريقه وانا حاطه الملاس في الزيت مايمديها تلقم وحده الا انا شايلتها صاير لونها احمر حلوه
    وانا واختي فرحانين هي تلقم وانا اشيل
    يوم خلصنا يازينها غالبها مدوره مغير اذاني سعينونه والا خرطوم صغير مامداها تمطط على طول انا اشيل
    اثاري النار عاليه مرررررر ه
    جبنا لقيماتنا وفرحانين فيها
    قالت امي ياويلكم لو تقولون انكم انتم ملقمين
    <<<خابره ابوي مايحب مطرسه البزارين
    يوم حطت اللقيمات تو ابوي مدخل اول وحده في فمه مير تصب من بين بريطماته<<<متعوب عليها
    تصب العجينه
    ويجرب الثايه يفغصها بيده وتصب العجينه
    الثالثه الرابعه كلها مافيها حيله
    قال من الي ملقم اللقيمات
    عاد يقلبي امي بازه وفرحانه قالت انااااااااااا
    قال الله من الرفاله والله خخخخخخ كله من اعتمادكم على هالشغالات قالت امي هوووووو<<<اهل الرياض
    وراه وشفيها
    قال ذوقي
    خذت امي وحده وحطتها في فمهاا قامت العجينه ساحت بين بريطماتها
    عاد تعالي شوفي الضحك
    بس هاذي حوبه امي فيني انا واختي خذت تعبنا وجهدنا ونسبته لنفسها وعاقبها الله وهاوشها ابووي خخخخخخ

    (11)

    انا اموت في شي اسمه طبخ من يوم كنت صغيره قبلي احوس في المطبخ مع امي وامي ياحبي لها تطردني لان مافي شي ينجح ابداا
    مره سويت كيكه قبل ماتزوج وجيت فرحانه لابوي ابذوقه اياه قال يابنتي ذي لو يطق بها الكافر اسلم خخخخ خخ يااابسه
    عااد تزوجت وسكنت مع حمولتي واختكم في الله وجه بن فهره ماتنزل المطبخ بكرامتها جا ذاك اليوم سويت مكرونه بالباشميل من الساعه عشر الصبح في المطبخ ماخلصت الا 3 العصر الله من البربسه فيها يوم كلهوها لين نسيت احط الملح قالت خالتي ام رجلي وع ماصخه قلت عشان فيتس ظغط الله يحيتس ماحطيت ملح قالت اي بعدي بنتي خخخخخخ
    ومره سافر زوجي لابها عنده شغل ورحت معه واول مره اتحمل مسؤليه المهم ليه صديقه زوجها ضابط ورايح ندب وانشب في حلق زوجي نسكن نفس عمارتهم شقق المفروشه
    عاد ابسوي الغدا سوت لي صديقتي لحم متبل وحطته بالقصدير قالت بس دخليه في الفرن قلت يطول قالت اي لحم يطول
    حطيته في الفرن من الساعه 7 الصبح وسويت رز بالربيان وكثرت المويه مره ياقلك مقلوبه ربيان يوم قلبتها في الصحن قال طشششششششش<<<<مويه
    جبت مناديل روول وقعدت انشف الرز بالمناديل واللحم يوم طلعته مافيه الا عظام مادري ليه ولانتفه لحمه مااع من الساعه سبع لين وحده الظهر مالقيت الا قصدير ناشف اسود وفيه عظام خخخخخخ
    كل هذا عاادي مافيه الا رجلي لكن المصيبه جاايه
    عند اهل زوجي شقه في مكه نروح لها كل رمضان وهاذي اول سنه لي معهم وزوجي عنده شغل في اخر شعبان قال خل نروح جده واذا جا اول رمضان رحنا لمكه
    المهم رحنا لمكه قبل حمولتي وتقريبا بيجون في سابع رمضان
    وخاله زوجي لها شقه في نفس العماره وبتجي ثاني رمضان هي وزوجها بس
    وهي حرمه سنعه وتحب الزين وراعيه طبخ هي وبنااتها
    قلت لرجلي ابسوي لهم فطوور ونروحه لهم عيب ساكنين بنفس العماره ولانروح لهم شي
    <<<<من زين طبخي ياليتني انطميت بس
    اكلم خالته يقول لها قالت خله عشا بعد التراويح
    تحسب بيجيهم شي صااحي خخخخخخ
    المهم يوم صليت المغرب واطلع ذيك الدجاجه من الفريزر ابي اقطعها عجزت ثلج
    واقوم احطها على اللوح على بلاط المطبخ واحاول اكسرها بالساطوره تقوم الدجاجه تزلق وتتزحلق على بلاط المطبخ يقوم رجلي يشوتها برجله يرجعها لي خخخخخخخ المهم تقطع لحمها وهي ماتقطعت
    مير احطها في القدر واسلقها واحط عليها الطماط والصلصه والمكرونه وقلت في نفسي لين استوت قطعتها
    <<<<<<مخ ذكيه
    واسوي كريمه الخضراء ماغير واحط في الصحن شوي واحطها في الثلاجه الله من الدلاخه احسبها بتنتفش مثل الكيك لين حطيناه في الفرن
    واسوي شوربه شعيريه ماجي<<<<هذا الوحيد الي فلحت فيها
    واسوي سلطه واحط عليها ليمونها وخلها وكل بلاويها
    مير ياذن العشااء واطل على المكروونه لين القدر مليان مويه قلت ابروح اصلي العشا في الحرم واعود على عشااي
    ولين بنت خالتي في مكه واتواعد انا وياها تجي معي بعد صلاه العشاء تساعدني وهي اردى مني والله في الطبخ
    ونصلي العشا ونرجع والمكروونه مازالت مليانه مرق قالت الذهينه بنت خالتي خل نحط عليها علبه مكرونه ثانيه
    بدل مانقلل من المويه حطينا عليها علبه ثانيه
    ورحنا نصلي التراويح
    عاد يوم رجعنا بنرسل لخاله زوجي العشا
    السلطه اخورت من المغرب وهي مصلحه شكلها مصلحه من سنه
    الكريمه يوم قلبتها في الصحن انفرشت صار عرضها سم واحد
    الشوربه نجحت<<<<لو مانجحت فالمفروض مكاني شهار خخخخخخ
    الشعيريه نسيت اعلمكم عنها طبختها وحطيت عليها سكر وكل شي بس استناها تصير بنيه عيت مرررره بيضااء انعجنت وهي بيضاا بس ماروحتها لها يوم جا رجلي قال ليش بيضا قلت اهلي يطبخونها كذا خخخخخخ
    المكرونه ومادراك مالمكرونه
    نص عجين ونص ماستوى والدجاجه شكل فيها مرض متهذي لحمهاا قطعناها انا وياها
    ومن قواه الوجه روحنا العشاء لها
    والله يابنات حتى شكراااااااا ماقالت والله والله مالومها خخخخخخ انا نفسي حامت كبدي مافكرت اذوقه
    حتى زوجي قال ليه مابقيتي لي اذوق طبخك قلت ماكفى وانا في نفسي اقول اخاف يجيك تسمم
    نسيت فعايلنا في الدجاجه خخخخخخخ
    بس الحين اعجبكم صرت طبااخه
    (12)
    مره من المرارير اتصفح هالمنتدى الي تقول ليله حمرا والي ليله خضراء
    والي ليله بحريه وقواقع الله لايستر لايغرقون من التحمس والي ليله غابيه ولبست لبس طرزان هي ورجلها ماشاء الله عليه طاعها خخخخخخخ
    المهم مير تتحرك مشاعر الغيره فيني قلت هالضعيف ماعمري سويت له ليلله
    المهم اتحمس واقعد لي شهر استعد كل ماقلت ابسويها هالاسبوع قلت مالي نفس
    اخر شي قلت يله خل نجرب ونشوف
    وتعالي شوفي الاستعدادات مافي شمعه في ستي بلاازا ماشريتها ومفرش جديد وفرش حمام جديد مع الفوط
    وقميص نوم ولبس وفستان نعوم يقالك ابلبس لبسين
    عاد انا فيني عيب لو بروح مكه وارجع في نفس اليوم اخذ عيالي معي مستحيل اخليهم الله لايبلانا الي سشوفني يقول ماحد عنده عيال غيرها
    المهم يوم جا العصر وراح للمكتب استحيت اقول للخدامات تفخو البلونات وتقعد اتفخ لين انتفخت لوزي مير يتطاقون عليها عيالي مابقى الا كم وحده
    واروح اشتري الكيك والعصير وارجع البيت واحطه في ثلاجه جناحي مابي رجلي يشوفه واخاف عيالي ياكلونه خخخخخخخخ
    وارجع اطلع واروح اصلح شعري واغلف الهدايا الي جبتها له
    المهم وارجع البيت وصك علي باب الجناح ازبرق واصلح حسيت كاني في حفله نجاح خخخخخ
    واتصلت عليه قلت له اذا قربت من البيت دق علي
    عشان في نفسي اولع الشموع والحق اولعها من كثرها
    المهم مادريت الا الي يقول تراني تحت ونسيت ادق عليك مير تجيني خرشه حتى الولاعه مالقيتها ويوم لقيتها اولع وهو يطق الباب افتحي
    وانا اقول لحظه
    واسمع ولدي يقول بابا مادري ليه ماما مقفله عليها من زمان خخخخخخ
    المهم اني تاخرت مير يعصب ابو الشباب قال افتحي عارف مسويه حفله شفت الكيكه
    اثاري الرجال جا وانا مني فيه وفتح الثلاجه وشاف الكيكه وقرا وش مكتوب عليها
    مير عاد تتحطم احلامي ترترترترترترن
    مير افتح الباب وانا معصبه يوم دخل قام هو ولع النور خخخخخخخخخ يسفاب بس الشموع
    قمت من الحره اطفي فيها وراحت ريحه الدخون والعود من ريحه الشموع
    قال اشرقتينا بهالريحه
    مير يقوم يشغل التلفزيون
    عاد انا انطلق عليه انت الي فيك وملا فيك وماتستاهل مسيكن انقلب وجهه وقام يطفي المبات من الروعه ويولع الشموع هو يولع وانا اطفي
    مير اجيب الكيكه واقعد عليها انا وعيالي ناكلها واشرب انا وعيالي العصير وهو يتفرج ماعطيته خخخخخخ
    ومن الحمق اغير والبس بجامه واقعد على النت وانا في نفسي اقول امحق رومانسيه عاد هو حس بتانيب الضمير بس وش عقبه
    بدال ماتصير ليله رومانسيه صارت ليله مضاربيه

    (13)
    هذا موقف لاختي فريش توه من يومين
    معزومه عند سلفتها وجامعه سلفتها السالفات الباقين
    قامت اختي تبي اغراض مني عشان بتلبسها
    ارسلت رساله ارسلي لي البس الفلاني والشنطه الفلانيه وجزمتك الجديده الي شريتيها يوم الاربعا خخخخخخخخ ولاتنسين الساعه الفلانيه
    ترى عااد انتي خابره السلايف ومنافستهم ابي اصير احسنهم
    وارسلتها لسلفتها خخخخخخخ
    (15)

    انا مره سويت مقلب صغنون كنا نايمين في امان الله والغرفه ظلاااااااام دامس وانا كنت نايمه سمعت صوته يقوم يروح للحمام الله يكرمكم
    مادري وش هالنشاط الي جاني قمت لبست عبايتي وغطيت فيها كل راسي وجسمي وجلست قبال باب الحمام متربعه
    طلع هو يغافل لك الله ومعه فوطه ينشف يده من الروعه يوم شافني يحسبني جنيه بسم الله علي يقولي هشششش هششش بالفوطه
    بس والله ياني كلت خبطه على راسي مالومه والله يقول خبري بك نايمه ولو يطيح البيت ماقمتي من ثقل نومك وش الله سلطك علي
    خخخخخخ


    (16)
    بنات هذا الموقف لوحده تقرب لي تقول راحت لمجلس الامهاات مع بنتهاا ورجعت قبل بنتها
    يوم جت بنتها من المدرسه تقول متفتحه مناخر بنتي من الفرحه قالت مااااااااماااااا البنات يقولون امك صغيييييييييييره مررررره تقول قلت اصص
    لاتقولين شي بعدين لين جينا نتغدى سولفي علينا
    تقول وانا على احر من الجمر متى يجي الغدى عشان زوجها يسمع المدح تقول يوم جلسنا على الغدا وتلفت على بنتهاا هااااااه ياحبيبتي وش كنتي من شوي تقولين يوم كنت مشغووووووله قالت اي صديقااتي يقولون امك صغييييييييييييره تقول وانا انتفخ رااسي اي كملي وش قالو بعد قالت بس يقووووولون شييييينه مرررره تخوووف خخخخ تقول عاد هنا انفش راسها وطاح وجهها وزوجها كاتم ضحكته مايبي يفشلها خخ مع انها والله حلوه بس هالبنات الله يفشلهم

  2. #2
    صورة شعول2006
    شعول2006 غير متصل يمون على المشاغبين
    تاريخ التسجيل
    Feb 2010
    الدولة
    شـ ,يـكـاغـ,ــو
    المشاركات
    1,231
    Thanks
    0
    شكر 0 مرات في 0 مشاركات
    ههههههههههه
    مشكوووور والله يعطيك الف عافيه

  3. #3
    صورة شمـ حلوه ـريـه ..
    شمـ حلوه ـريـه .. غير متصل طالب ثانوي
    تاريخ التسجيل
    Feb 2010
    الدولة
    تبو الكروكي .. صعب الشرح .. ~
    المشاركات
    497
    Thanks
    0
    شكر 0 مرات في 0 مشاركات
    ههههههههههههههههه ههه
    يصلموو .

  4. #4
    صورة قائدة قوات الحب
    قائدة قوات الحب غير متصل يمون على المشاغبين والمشاغبات
    تاريخ التسجيل
    Jul 2008
    الدولة
    القصيم +الرياض
    المشاركات
    1,745
    Thanks
    0
    شكر 0 مرات في 0 مشاركات
    هههههههههههههههه الصرااحه شي المواقف
    ياكثر اللي تصير لي

  5. #5
    صورة الكلاهسة
    الكلاهسة غير متصل يطلع بدون استئذان
    تاريخ التسجيل
    Jun 2009
    الدولة
    الباحه
    المشاركات
    372
    Thanks
    0
    شكر 0 مرات في 0 مشاركات
    يسلموووووووووووووو ووووووووووووووووو وووووووووووووو
    علا الموضوع

  6. #6
    .. حزن مكتوب.. غير متصل جاي معه ملفه
    تاريخ التسجيل
    May 2010
    الدولة
    في الرياااض
    المشاركات
    5
    Thanks
    0
    شكر 0 مرات في 0 مشاركات
    خخخخخخخخ يعطيك مليون الف عافية خخخخخخخخ

  7. #7
    صورة مارادوناا
    مارادوناا غير متصل طالب متوسط
    تاريخ التسجيل
    Mar 2009
    المشاركات
    261
    Thanks
    0
    شكر 0 مرات في 0 مشاركات
    مشكوورين على المرور

الدورات التدريبية جامعة نجرانبنات السعودية
يشرفنا اعجابك على فيس بوك facebook