قصيدة للشاعر محمد بن فطيس المري




بعنوان " اعلان "


يقول شفت لي بيت شعر مكتوب على جدار يقول



اعلان للي مابعد جرب الحب * يترك طريق الحب قدر استطاعه


فيه الهنا ياتيك ساعه ويذهب * وفيه العنا ياتيك في كل ساعه




رد بن فطيس عليه وقال


اعلان للي مابعد جرب الحب * يسلك طريق الحب بس بشجاعه


فيه الوفا والغدر والصدق والكذب * وفيه الفراق وفيه شوق اجتماعه


حظك على حظك تشجع وجرب * ان صبت والا غير تاخذ مناعه



رد والد بن فطيس حمد وقال:


اعلان للي مابعد جرب الحب * يترك طريق مايجوز اتباعه



مع الرجا والخوف والياس والذنب * لو دام وصله ماومنت انقطاعه



شيئ غريب يشاع بالشرق والغرب * تركه قلاع واتباعه قلاعه




الحين قدامكم ثلاث وجهات نظر للحب .


ياليت تقتبس مايمثل وجهة نظرك الخاصة