لويه × لويه [ لويه شباب في ربشه بنات ] >>>>>>>> من تاليف بنت الحاره ........روايه تغلب عليها الفكاهه و الضحك ...... اللي يبي يضحك يدخل بجد روعه

يا الله اترككم من الروايه و الجزء الاول

الجزء الاول [1]

*{لوية بنات و ربشة شباب


بيت يوسف
يوسف ابو زياد عمرة 41 انسان واثق من نفسه عصبي وايد ودوم يتنازع ع عياله وولد اخوانة واذا حد سوى شي غلط يضربه ولا يهتم من حد و لا يهتم ان كانو كبار ولا صغار
======================================
حنان ام زياد عمرها 38 طيبة و حبوبه و فيها جمال يعني روعة دوم تحاول تهدي يوسف بس هوة اذا عصب ما يعرف حد ...
======================================
زياد ولدهم الاكبر عمرة 23 سنة عيونه عسلية وايد و رشيق جسمه وايد حلو مفتول العضلات شعرة نازل ع رقبته وناعم مثل الحرير ابيض ولون شعرة اسود مايل ع الاحمر خاطب من 3شهور ويحب خطيبته حب جنوني طيب و حبوب وراعي سوالف ويحب يضارب خواته ويشتغل في دائرة حكومية ويشبه اختة دانه شبة كبير
======================================
عزام الاخ الاصغر من زياد عمرة 22 سنة هادي بس اوقات تصير فيه حالت هبال ابيض عيونه بني غامق مايل للون الاسود شعرة اقصر من شعر زياد لون شعرة اسود يحب الكل و الكل يحبه و يحترمه اكثر اوقاتة يكون مع ربعة وقليل لو يلس في البيت ويدرس في الكلية البحرية
======================================
دانه الاصغر من عزام عمرها 20 سنة بيضا عيونها مثل عيون زياد و طولها نفس طول زياد و رشيقة وايد و جسمها متناسق و شعرها لين جدفها يعني ما طويل وايد و ناعم مثل الحرير و اللي يشوفها يقول انها تشبه زياد وايد يعني لوكانو توائم ما بيتشابهون لهذي الدرجة . طيبة و حبوبه و اللي يسولف معاها يرتاح تحب تضارب و لسانها طويل و دوم تعاند وماتحب تشتغل في البيت و عصبية وايد و بسرعة تعصب بس مع هذا هيه حساسة و تدرس في التقنية
======================================
درة الاخت الاصغر عمرها 17 سنة تشبه عزام بس ما وايد شعرها اسود و عيونها مايله لسواد شعرها لين خسرها ناعم وايد تدرس في المدرسة صف حادي عشر ما تحب المدرسة ولا تطيق طاريها ومن تسمع سالفة او شي ع طول تنشرها ..و دانه دوم تنازعها عن هذي السالفة بس هذا طبعها و ما قدرة تودرة
======================================

الساعة 4:30 العصر في بيت يوسف ابو زياد)
كانت درة ودانه و امهن حنان يالسات في الحواش مال بيتهم و يسولفن و يضحكن هم متعودين دوم العصر يطلعن من داخل و يلسون برع في حوش البيت

قالت دانه تدرون لو سكن في هذا البيت بنات من عمري لا اطيح معاهم الليل و النهار ولا بطلع من عدهن حتى لو راغوني برد لهن
درة تشوف دانه بنص عين لا و الله اللي يسمعج يقول انج ...
قطعتها دانه وش بيقول يعني . فلعنة يقولون اللي يقولونه اصلا انا ماحد يهمني..
درة مالت عليج وع ويهج . صدقتي يوم تقولين انا ماحد همج اصلا ويهج لوح بشو بتحسين
دانه ولي ولي صدت صوب امها يمه ما تعرفين من بيسكن في هذا البيت اللي مقابلنا
حنان ام زياد و انا وش دراني اللي بيي و بيسكن حياه الله في اي وقت
دانه تقول لمها سمعيني من الحين انا اقولج هاا انا ما بفتر عنهن لا الليل ولا النهار انتي تسمعيني
حنان ام زياد ضربت دانه ع جدفها اسكتي وش هذا الكلام اللي تقولينه انتي بس خليني اشوفج طالعة من هذا الباب ان ما حشيت ريلج حش ما اكون انا بنت ابوي
دانه وهيه تتمصخر هههه عيل ما بتكوني لا اني بطلع ولا همني حد
درة قامت تضرب دانه بقوة هيه وش هذا الكلام احشمي نفسج هذي امج لا تكلمينها جذيه
حنان ام زياد لالا خليها تقول اللي عدها بس من يوصل ابوج بقولة عن كل هذا الكلام اللي قلتيه الحين
دانه وهيه تترجى امها لالا يمه و الله والله واخر مرة ما اعيدها و الله .
حنان وهيه تضحك هههههههه ايوا ابيج كذية تتسنعين ..

في بيت ابو رائد
عبد العزيز ابو رائد انسان طيب و محترام و خلوق و عنده ولده رائد فوق اي شي يحب حرمته عمرة 48 سنة يشتغل في دبي غني وهوة اغنا واحد في الرواية ودوم غايب عن اهلة عايش مع اخوة في دبي علاقته وايد قوية في اهلة
======================================
نواره ام رائد طيبة وايد حلوة عمرها 46 سنة تحب رائد و همها الوحيد انها تشوف اولاد رائد حنونة و عنيدة وايد و دمها خفيف
======================================
رائد ولدهم الوحيد عمرة 23 سنة ابيض لون عيونه ازرق غامق رووعة و رشيق مفتول العضلات شعرة لونه بني غامق يوصل لين اخر رقبته شعرة ناعم واايد واايد يوم يتعب وايد ولا يحاتي شي بشكل كبير يغمى عليه بدون لا يدري وهذي الحالة مرض وراثي و امة نفس الشي يشتغل في شركت عمه و معاشه كبير وايد بس معاه ما يبقى لين نص الشهر. ملابسة كله من الغالي و عطوره كله من الثمن الغالي حبوب بطران في شكله و خجاج يحب اهلة ويحب يطفر بمه ....
=======================================

نزل رائد من حجرته و نزل الصالة حصل امة يالسه تشوف فلم هندي
رائد وهوة يضحك من بعيد ع امه و الله اخر زمن العيايز قامن يشوفن افلام هندية
نواره ام ورائد مندمجة ف الفلم الهندي ولا ترد علية
رائد يلوح بيدينة جدام ويه امه هلووووو انا تراني اتكلم ...
نواره فسخت النظارة وقامت تخزه بعيونها انزين انت علامك
رائد عندي سؤال و ابيج تجاوبيني .
نواره ام رائد قول وش عندك من البلاوي هذي المرة
رائد عاد الحين انا عندي بلاوي الله يسامحج المهم متى ناوية تنتقلين البيت الجديد
نواره ام رائد الاسبوع الياي و انت وش حاشرنك
رائد ماشي بس
قاطعته امه وخر وخر عندي خلني اشوف نهاية هذا الفلم من ساعتين و انا مدحرة عيوني احرس النهاية وش بيصير فيها ...
رائد نقع عليها من الضحك ههههههههههههه وقف جدام التلفزيون ولا اوخر غير يوم بتسمعيني للخير
ام رائد وهي مطفرة منة قول وش عندك تراك طفرتبي .
رائد بابتسامة عريضة شو رايج انا اتقدم قبلج و بسير هناك و بيلس لين تنتقلين انتي و جشارج
ام رائد و الله توكل من ما سكنك . بس اسمع حركات منيه و مناك ما ابي ابيك تبيض الويه جدام الجيران
رائد قام يضرب صدره ولا يهمج انا قدها وقدود
نواره ام رائد و الله ما معلوم منك انت . يا الله وخر من ويهي ابي اتابع الفلم .
هز رائد راسة لالالالالالالالالا ما قبل لا تعطيني البقشيش
نواره وهيه مطفرة منة بقشيش ويش بعد ... وخر لا اصكك الحين بهذي المزهرية اللي جدامي وخر بيخلص الفلم
رائد بعناد ولا اوخر اول عطيني مبلغ وهوة مبلغ محترم و بعدين بوخر .
ام رائد انزين اذلف من ويهي الحين بعدين بعطيك اللي تبغية
رائد قام ينوقز مثل اليهال عيل انا بسير الحين وبلف ملابسي علشان باجر العصر بررررروح

ثاني يوم الساعة 3:10 العصر
طلع رائد من حجرته وهوة يسحب الشنطة ماله سار حال امة علشان ياخذ منها الفلوس مد ايدة ع ويه امه ورفع راسه فوق و غمض عيونه يا الله عطيني
ضربته امة ع ايدة اسمع يا ولد انت صدج انك بتسير بس و الله ثم و الله لو سرت و لقيت البيت معفوس لبهدلك
..و الله لرويك انجوم اليل ف عز الظهر . و سمعني ربع ما ربع لا تبي تدخل ولا واحد من ها الخمة
بيتي ولا توصخ المكان ولا
قطعها رائد وقام يقلد امه بكلامها ولا تتعبث ف الاغراض ولا تهوت وايد ولا تسهر وايد و رقد من وقت ...
عارف الاسطوانة الشهير لم كلثوم اقول يا العيوز لا طولينها وهي قصيرة . دخلي ايدينج بمخباتج
و طلعيلي هبشت افلوس و خليني اتوكل
نوره قامت تضربه با العصى مالها ع ريله اصطلب يا نذل صدق انك ما تربيت
رائد يا ربي عاد بتذلنا لين تعطينا ها البيستين عطيني خليني اتوكل
نورة اذلف فوج خذ من التجوري بس لا تخذهن كلهن ..
رائد ع طول سار يركب فوج الدرج قولي كذيه من الاول بدل هذي المخاطرة اللي تلوع الكبد
نواره صدت صوبة اسمعني سير و سلم ع خالتك و بناتهن لا تنسى
رائد بدون نفس انزين انزين
طار رائد حال التجوري و يالس ع ركبه و بطل التجوري .و مد ايدة و خذا الفلوس كلهن و بقاء مبلغ بسيط حال امة
و نزل بسرعة و سحب الشنطة و وقف عند الباب .
رائد يا الله يمه تامريني ع شي
نواره لا سلامتك بس لا تنسى تمر ع خالتك .
رائد ان شاء الله يا الله مع السلامة
طلعت من بيتنا و انا اسحب الشنطة كانت وايد ثجيله دخلتها في السيارة و ركبت السيارة و اتصلت بصديقي يحيى و قلتلة يتجهز علشان بمرة بعد اشوي شغلت السيارة و ع طول سرت بيت خالتي نهى كانت يالسه بصالة هيه و بناتها انا وايد احب خالتي و احب بناتها لالا لا تفهموني غلط احبهن مثل خواتي لا اكثر ولا اقل بس انا ما احب حركاتهن ودوم اتحاشى ايلس معاهن لا انهن صدج صداع ضغط ع الجرس و طلعت لي رانيا رانيا هذا بنت خالتي نهى الكبيرة هيه حلوة بس ما كثري طبعا
رانيا تعلقت عيونها وبابتسامه: بهمس رائد ..
رائد بابتسامة هلا رانيا وين خالتي .
رانيا طارت من الفرحة "اشرت ع الصالة " هناك
دخل رائد و سار سلم ع خالته

نهى خالت رائد و اخت نواره عمرها 44 سنة طيبة و حبوبه و تحب رائد مثل ولدها لا انا الله ما رزقها با اولاد علشان هذا السبب تموت في رائد و دوم كانت تتمناه يكون لوحدة من بناتها متزوجة من محمد بس متوفي في حادث مرودي من ثلاث سنين
======================================
رانيا عمرها 19 سنة قصيرة و رشيقة شعرها طويل و نعيم بيضا وحلوة بشكل عام خجولة و هادية بس احيان تكون خريشة ما تحب الصدعة .
======================================
هديل اختها الاصغر منها بسنة عمرها 15 سنة تشبه رانيا بكل شي بس هديل تحب تسوي ربشة و دوم تتفاشر برائد جدام ربيعاتها ..
======================================

هديل رائد وش هذي الطله تهبل
رائد بابتسامة لا و الله انتي ع من تكذبين
رانيا لا ما تكذب انت يوم عن يوم اكثر تزيد حلاوتك
رائد وهوة يتخجج ادري ما لزم تقولن
نهى خالته شحالك يمه وشحال امك
رائد كنت مستعجل وايد و ابي اطلع بسرعة كلنا تمام ...انا بس حبيت اسلم عليكم قبل لا اسير
هديل و رانيا بطلن عيونهن بتسير .وين بتسير ؟؟!!
امهم ضربتهن ع كدفهن اسكتي انتي و ياها وين بتسير يمه
رائد بابتسامه خبيثة: بسير العمرة .. ياخي بسير اعمر
هديل بابتسامة: يا سلااااااااااااام لو ادري انك بتسير من زمان كان بسير معاك
رائد الحمد لله انج ما تدرين كانت ببتلي ..ابتسم لها بس..
خالته و متى عزمت يمه تروح.. و الله يبالنا روحة العمرة
رائد احسلي اطلع قبل لا يبلشوني ..: ان شاء الله المرة اليايه بروح كلنا
رانيا بابتسامة وعد
رائد هز راسة باية بس ما وعدها يا الله خالتي تبون شي قبل لا امشي
نهى خالته لا سلامتك يوليدي ها خذيت معاك كل شي تحتاجه ليكون نسيت شي خذ معاك اللي تحتاجه ولا ما تحتاجه
رائد بابتسامة ولا يهمج خالتي . ما بقيت شي ماخذيتة
رانيا انا انا واقفة تنوقز مثل الياهل شو بتيبلي منك
رائد ماي زمزم ..(يقول في نفسه عن تشربيتة بس
هديل و انا شو بتيبلي
رائد عاد انتي بخملج سوق السعودية كلها .. يقول ف خاطرة .عن تمسكين شي بيدج بس من وراي
رائد يا الله مع السلامة
نهى خالته دير بالك ع نفسك يمه .واول ما توصل اتصل فيني وطمني
رائد ف نفسه ناقع من الضحك ان شاء الله ...
طلعت بسرعة و عند ما وصلت باب السيارة سمع صوت يقول رائد رئود لحظة اشوي انا ع طول التفت ع مصدر الصوت شفت رانيا و هديل جايت صوبي تنهدت تنهيدة طويلة و قلت خير تراني مستعجل علامجن
هديل رئود حبيبي طلبتك
رائد قولي
هديل مسكتني من ايدي و سحبتني صوبها و اتسمت لي ابيك تصور معاي
صديت صوبها ورفع حواجبه وقلت لو سمحتي مسك ايدها ووخرها عن ايده انا ساير اعمر يعني خلاص انا ما احب هذي الحركات مال اليهالوة انا انسان معتمر
رانيا قامت تترجاني يا الله رائد علشاني عاد بس صورتين
بس انا قمت اتغلا عليهن و قلت لا)
هديل مسكت تلفونها و سحبت رانيا صوبي وقالت لي كلامك ما مسمعوع سكوتك اولاا
الصراحة عصبت من كلامها و صرخت بويهه وش قلتي
رانيا ما قالت شي يا الله تعدل علشان تطلع الصورة حلوة اضحك طلع اضروسك
قلت في نفسي ما علية بصور معاجن لاني ما بشوفجن بعد هذا اليوم قامت اتعدل عدلت قميصي و مسحت ع شعري و عدلت النظارة اللي كنت لبسنها يا الله خلصينا
رانيا طاااااااااارت من الفرحة حست انا هذي الدنيا ما شيلتنها من وناستها .(شيزززززززززز و صوروها
مسكت هديل رانيا من ايدها و نتعتها و مسكتها التلفون يا الله صوريني من رائد
رائد بتكبر ياخي المعجبات وايد وش اسوي بعمري انا
هديل يت صوبي و لصقت بجدفي مثل البعوضة و خلت ايدها فوق جدفي و صدت صوبي و قالت لي رئود شيل النظارة من ع عيونك
رديت عليها بعناد لو تموتين ما بشيلها انا حر كيفي حمدي ربك الف مرة اني رضيت اصور معج
هديل دلعت لسانها و قالت و الله انك خجاج بس ما علي منك مسكت النظارة و رفعتها ع جبهتي
تضايقت منها و مسكت ايدها بقوة و لويتها حالها و سحبت النظارة من ايدها يا الله عاد عن المصاخة لا يكون تحسبيني واحد من يهالج
انتفخت هديل و صارت حمرء وقلت لها انزين خلاص قومي برفع النظارة . كنت ما ابي اجرحها لا اني بسير ولا بيشوفني غير قليل
شيززززززززززززززز زززز)
هديل بابتسامة ليش ما تبي تصور عيونك .عيونك وايد حلو طلع جمالها
رانيا ايه رائد صدق كل ما بغيت تصور دوم تلبس النظارة
ركبيت سيارته و ريل داخل السيارة و ريل برع صديت صوبهن و قالت هه ادري بس انا اصور بنظارة علشان
اللي يشوف الصور مالي ما يموت من سحر عيوني وش اقولجن عن سحر عيوني اللي مذوب بنات خلق الله كل من شاف عيوني انهبل و قام يركض وراي مثل المينونة عاد انا قلت احسن شي بلبس النظارات علشان ماحد يجن ولا ينهبل ويقولون من رائد السبب هاا هااا هااا
رانيا: هاا هاا هاا
هديل انا ما اعرف حل ويش هذا الكذب انت تقول انك ساير العمرة و تكوذب
صديت صوبها و الود ودي اقوم واسطرها كفين شب شب شب انتي ماحد كلاماج
دخلت السيارة و سلمت عليهن مرة ثانية . و تحركت .ع طول اتصلت ليحيى وقاله انا ياي لك بعدين تذكر خالته الثانية
قالت في نفسي ياربي نسيت لا اسلم عليها .اووة انا بتصل بهنادي علشان تسلم ع امها بنيابة عني و تصل
رائد الوو
هنادي من شافت رقم رائد نبض فيها 100 عرج هلا و غلا و مرحبا بها الصوت
رائد هنوده وين خالتي
هنادي افا رورو مافية شخبارج و لا كيفج
عصبت عليها هذا اللي ناقص تسميني رورو وش هذي بعد رورو اصغر عيالج انا ولا اصغر اخوانج
هنادي اوف اوف ليكون زعلت مني فديتك لا تزعل مني ت
قطعها رائد بدون ما يتناقش معاها عدالج خالتي ولا كيف
هنادي هيه هيه عدالي ب
قطعها مرة ثانية رائد عطيني اياها
هنادي تضايقت وايد رائ
قطعها رائد هنادي لا تطفريبي اكثر .. عطيني خالتي خلصيني
هنادي مسكت امها التلفون .... و طبعا كلمها رائد و سلم عليها و قاللها انه بيروح العمرة " يكمل كذبته " و وصته ع نفسه يعني مثل ما قالت خالته ام رانيا قالتله ام هنادي وهوة في نفسه ناقع من الضحك ...

ام هنادي اسمها امنة عمرها 41 سنة طيبة و حنونة و حبوبه مثل خواتها
====================================
هنادي عمرها 20 سنة بيضا شعرها قصير وايد متوسطة يعني لا متينة ولا ضعيفة يعني جسمها يهبل و حلوة وايد
====================================
زمردة اختها الصغيرة عمرها 8 سنة تدرس في المدرسة حلوة واايد احلا عن هنادي و صوتها يهبل هيه الوحيدة اللي رائد يحبها من بنات خالته ..و شطورة وايد في المدرسة

سار رائد بيت يحيى ركب يحيى السيارة
يحيى سلام رئودي
رائد سلام .(وحرك السيارة
يحيى شخبارك
رائد تمام
يحيى يشوف رائد و مستغرب منة هيه عطني با القطارة اشفيك تكلم عدل مثل كل مرة لعلع
رائد يا خي بنات خالتي مطفراتبي .

============================================
يحيى ربيع رائد الروح بروح يعرف كل اسرار رائد عمرة 23 سنة رشيق و ابيض و طويل شعرة يوصل لين اذونة لونه اسود ناعم عيونه لونهن بني غامج يشتغل في الاتصالات ما يحب المشاكل طيب و حبوب
===================================


يحيى ها بعد اليوم وش صاير بينكم ... سوالفك انت وياهن ما يخلصن
رائد ولا اظن انهن يخلصن .. انت تخيل بس وحدة منهن تسميني رورو
يحيى من سمع كلمت رورو نقع علية من الضحك هههههههههه رو ههههههههه رورو هههه لا بس صدق ليج عليك الاسم
رائد ليق هااا ليق . انا بطلع منك كيف ليق علي الاسم
يحيى دمعت عيونه من كثر ما يضحك ع رائد لا انه كان شكله يفطس من الضحك وهوة يقول رورو ههههههههه
وقامو يسولفون و يضحكون لين وصلو الفلة الكبيرة و نزلو شنطهم و دخلو
رائد بابتسامة ادخل بريلك اليمين و قول بسم الله
يحيى اللي يسمعك يقول عروس و عروسته دخلين عش الزوجية
رائد انا ما عرف هذي السوالف يا الله اشوف ادخل بريلك اليمين و ابي اسمعك يوم تسمي يا الله
يحيى دخل بريلة اليمين و صرخ في اذون رائد بصوت عالي بسم الله الرحمن الرحيم ها بشر سمعتني يوم اسمي
رائد وهوة فاطس علية من الضحك هيه هيه سمعتك .
دخلو الصالة و يحيى بطل عيونه سبع سبع ما شاء الله وش هذا قصر مو بيت روووووووعة متى بيكون عندي بيت مثله حالي ان وزوجتي و ولادي بس انا وش اقول اون زوجتي و ولادي احسلي لا افكر في اشياء بعيدة احسن احلم ع قدي قاطع تفكيره صوت رائد
رائد بابتسامة ها شرايك فيه
يحيى بابتسامة شرايي فيه رووووووعة خلف الله علينا حن
رائد مسك يحيى من فنيلتة وسحبة شرايك نسير نرتب ملابسنا .
يحيى يا الله .
سارو وشلو الشنط اختارو حجرتين عدال بعض اتصل رائد بربعة وقالهم يجون وعطاهم العنوان .)

الساعة 9:20 بالليل .
في بيت ابو زياد. توه داخل ابو زياد البيت و كانت دانه و درة بصالة .
يوسف ابو زياد دانوه
دانه هلا يبه
ابو زياد وين امج
دانه و الله مدري
درة امي سارت بيت ام حامد ...اون ولدها حمود تعبان و سايره تتحمدله بسلامة
يوسف ابو زياد اووووووووف و متى سارت
درة قبل خمس دقيق بضبط
ابو زياد و ما قلت متى بترد منك .
دانه لا يبه
درة انا انا قامت تنوقز اعرف متى بترد اذا سايره من نص ساعة فحالها نص ساعة زيادة لين ترجع و اذا
كانت سايره من ربع ساعة فحالها ساعة كاملة لين ترجع و اذاك
قطعتها دانة قامت تضربها في خسرتها و تفصها سكتي بس عاد تراج مصختيها صدت صوب ابوها تبينا نجهز لك العشاء
يوسف ابو زياد لا .. وسار صوب حجرته
دانه ردت ع الابتوب
درة دانوه قومي بنسير نزجر امي
دانه تاشر عليها بيدها روحي روحي انا ما بسير مكان
درة تضرب دانه ع راسها انتي وش فيج ماا تفهمين يمكن ابوي يبي امي بشي ضروري شوفي حالته
دانه وخري عني لا ما اظن لا انا ابوي دوم يدخل معصب ومبوز
درة لالا ابوي اليوم بذات غير . قومي وفكينا ما بنتاخر
دانه حطت الابتوب ع الطاولة اووووف منج انزين بسير و امري لله
سارت و لبست الشيلة و لبست انعالها كانت لبسه دراعة زرقاء وطلعن من البيت كانن يمشن ع طرف البيت مالهم ...و رائد و يحيى و ربعه كلهم كانو عند باب الفله .. رائد يسلمون علية و يباركون له ع البيت و رائد ما معاهم مول كان يشوف دانه و درة و يخزهن بنص عين ..و يحيى و الشباب كلهم ملاحظين علية .
درة تهمس لدانة دندون امشي بسرعة
دانه بكل برود وليش عاد
درة ما تشوفين اللي واقفين جدام الفله الكبيرة كلهم يشوفونا
دانه وايد واثقة من نفسها ولا مهتمة من حد مالت عليهم واحد واحد . صدت صوب درة انا ما يهمني حد وبمشي ع راحتي .عاد الحين من زينهم ولا من زين ويههم . اقول خليج ع راحتج وايد احسن لج
درة انتي شفيج ما تفهمين اقولج يشوفونا من اول ما طلعنا
وقفت دانه وصدت صوبها لا تخليني اسير الحين و البلبهم اكفخهم كلهم بزنوبة اللي لبستنها
درة مسكتها من ايدها و سحبتها لا و الله ما نقصين فضايح امشي امشي
سارن وهن يمشن ع الراحة وصلن بيت ام حامد .رن الجرس طلعت لهن بنت صغيرة
درة انتي من اسمج
الياهله وهيه معصبة الحين مطلعاتني من داخل تقوليلي من اسمج خلصيني وش تبين ابي اسير اشوف توم و جيري
دانة صدت صوب الياهلة ونزلت ع مستواها وين امي حنان
الياهله صرخت في ويهن و انا شو دراني عن امكن
درة بصوت عالي بعد السانها طويل قصري لسانج لا اقصة حالج
الياهلة تخسين
دانة تضرب درة اشفيج انتي اتخلين حالج من حال اليهال .
درة بعناد هيه بخلي حالي من حالها لين تتسنع ولا و الله لا ادوس ببطنها
الياهله مالت عليج يا البايخة ..
دانة ناقعة من الضحك عليها و درة ميتة من القهر صرخت في ويه الياهلة هاااااااااااااااا اااااااايه انتي
و بعدين معاج لا تحسبيني ساكتة عليج و الله بسكج كف بخليج تسيرين حال اميج تونين . اشويه و طلعت امهن من داخل


يتابع .............