السفر الى بريطانيا

في مطار البحرين الدولي الساعة التاسعة والنصف صباحا ...

كانو جالسين بالمطار ينتظرون الطائرة الي بتاخذهم لبريطانيا و كل وحدة تفكر في مصيرها الي بيصير لها خلال ال10 شهور كل وحدة كانت مشغولة بشي في يدها عشان تلهي نفسها عن الملل كانت جالسة على كراسي المطار و راسها على كتف رفيقتها الي كانت تقرا رواية مندمجة معاها و لا حاسة بالراس الي على كتفها من كثر الحماس و رفيقتها الثانية كانت حاطه يدها على خدها و تزفر بملل و تحرك رجلها بغيض و تضربهم بالارض بالقوة ورفيقتهم الرابعة كانت تللذ باكل الكاكاو اللذيذة
رفعت ايدها عن خدها و قالت بطفش اووف هالطائرة شتسوي تبيض لحم و لا دجاج
ضربتها بخفة على راسها و هي تلتهم اخر قطعه شوكلاته يالهبلة يقولون تبيض بيض مب لحم و دجاج
قالت بقرف وهي تناظرها وجع الله يقرفك سكري فمك و لا تتكلمي و انتي تاكلين
قالت بسخرية وهي ترمي وسخ الشوكلاته على الارض و ادوس عليه برجلها تعالو شوفو منو يتكلم يا بنات
قالت لها بغيض وهي تتخصر شنو تقصدين انسه جود
جود و هي تغمض عيونها بكسل و ترجع على وراه سلامتك انسه خرموش
شموخ و عيونها توسعو من كثر العصبية خرموش بعينك ياعمود الكهرباء
جود بملل وهي ساكتة عنها لانها تعبانة و لا لو ما فيها نوم كان لعنت خيرها اقوول خرموش ترى الاخلاق لخشمي ممكن تتكرمين و تسكتين عشان نرتاح شوي
شموخ بستهزاء حااضر على امرك يا عمود الكهرباء
رفعت رحيل راسها من كتف ملاك و قالت وهي تزفر ملااكو بلا عليك ما تملين من هالروايات الرومنسية الي تقرينها 24 ساعة انا الي معاك طقت كبدي من كثر ما تقرينها
شموخ تدخل عرض قالت بغيض مدري شنو شايفة في هالروايات من حلاتها من جمالها من ..
قطعتها جود و هي ترص على اسنانها من العصبية شموخو يا الدبة اذا ما سكتين و الله لارمي هالتلفون بوجهك الحين
شموخ توها بتتكلم بس شهقت من المنظر الي قدامها بصوت عالي خلت كل البنات الي بالمطار يناظرونها بستغراب
مها الي كانت تكلم اخوها بالتلفون سكرته بقوة و لفت لشموخ بقهر شموخو شسويتي تراك بمطار مب ببيتكم عشان تشهقين بصوت عالي كذا
شموخ و هي تاشر بيدها على الرجال الي حاضن زوجته و قاعد يبوس جبهتها طالعي هالقرف و بعدها اتكلمي يا مهوي
هاجر سحبت فرح من يدها و جلستها على الكرسي و قالت بحرج شمووخ شوفي الكل يناظر فينا
رشا الي كانت تبرد اظافرها قالت بنرفزة فشلتينا الله يفشلك وين انودي وجهنا من الناس
شموخ عصبت عليهم و قالت انتي شفتي الي شفته اول جد ناس ما تستحي المفروض ..
رشا وقفت وتقدمت لشموخ و قالت و هي تعقد حواجبها ايش فيها يا بنت الناس رجال باس زوجته
كل البنات الي كانو معها انحرجو من كلامها
شموخ حست بحريقه بوجها صرخت عليها و الله انتي الي ما تستحين على وجهك قاعدة عيني عينك اتطالعينهم و كانك متحسرة على هذا الشي لا تخافيين ترى هالخرايط الي تاارسة وجهك و البدي كير و المني كير اتخلي الرجال يذووب على الارض من منظرك قالت بسخرية و هي اسوي تحيه باصبعين سلاام
رشا انقهرت منها و اتاففت و هي تسبها بداخلها توجهت جنب ريم الي كانت شبه نايمه ووجها احمر و خدودها اكثر حمره قعدت جنبها و هي تهز رجلها بقهر
عند شموخ الي رجعت لشلتها و قعدت جنب رحيل و حطت راسها على كتف رحيل تكلمت رحيل و هي تبتسم تردين حركتي مع ملااك
شموخ بشبه ابتسامة وهي تكتف يدينها على صدرها تقدرين تقولين كذا
كانت قاعدة تكتب خاطرة بدفترها الصغير المزخرف على وداع اهلها و دموعها على طرف خدها حست بيد على كتفها رفعت يدها و ابتسمت بالم بفتقدهم يا سديم
سديم مسوية متاثرة لا تخليني ابكي معك طالعتها بجديه جهوون شفتي احد من البنات بكى على افراق اهله اجاوبك .. لا... صح انهم يبكون بالبداية لكن يدرون بعدها انهم بيرجعون لاهلهم
تكلمت جهان بغصة بس10 شهور مب شوية
ابتسمت سديم و قالت تخفف من الم امك بالشهر الاول من حملها بترجعين و هي واالده تتوقعين شنو اجيب لكم بنت و لا ولد
جهان ببتسامة و هي تمسح دموعها و تسكر الدفتر الي ايجي من الله حياه الله اهم شي يكون سليم
سديم و هي تهز راسها بطريقه مضحكة كفو الله تربية خالتي امل
سمعو نداء ارجوء من الطلبة الذين حصلوا على منحة دراسيه التوجه نحو ..... الخ
نقزت شموخ بسرعة و هي تقول و اخيرن باضت البيضة ما بغينا يا عالم
الكل ههههه
سحبت شموخ يد رحيل الي كانت تتكلم مع ملاك يلا بسرعة لا ياخذون امكنتنا يا البطة
جود الي كانت ماره من جنبها قالت و هي تتثاوب: و مين بيسرق مكانك السواق كومار مثلا
شموخ بسخريه اقوول يا عمود الكهرباء سكري فمك لا تدخل فيه طيارة بالاول بعدين تكلمي
ضحك الكل بقوة على تشبيه شموخ
جود بعصبية هين اوريك بالطائرة شنو اسوي لك
توجه الكل الي الطائرة وهاجر فاتحة فمها من شكل الطائرة الي كانت كبيره بمعني الكلمة
هاجر بذهول وووواو شي عجيب
سديم و هي ادزها من قدام دخلي فمك لا تدخل فيه طيارة
جهان بضحكة مسرع ما حفظتي كلمة شموخ
رشا بدلع وهي تتمايل بمشيتها وجه فقر اول مرة اشوف طائرة بحياتها
حزت هالكلمة في خاطر هاجر الي نزلت راسها حست باحد يربت على ظهرها صرخت بداخلها " ما ابي احد يشفق علي انا جد فقيرة بس الفقر مب عيب انا شذبي اكون فقيرة هذا امتحان لي . و نعم بالله"
حصة و هي تتكلم لرشا بصوت عالي كشرتك من وراء طالعه يا ام الخلاقين
انحرجت رشا خصوصا ان الكل قام يناضرها حقدت على حصة و هاجر الي حطوها بهذا الموقف
حصة ببتسامة نصر لفت على هاجر شفتي روضتها لك بنت ابليس
هااجر بحنية لا حرام عليك شنو بنت ابليس
حصة و هي تضرب يد بيد باسف مو ذابحني غير طيبه قلبك يا هاجر
دخلو الطائرة و كل وحدة جلست جنب رفيقتها الطائرة كانت كبيرة و عبارة عن مقعدين بعدين ممر عشان يمروون فيه الناس و بعدها مقعدين بعدها مرر و بعدها مقعديين فهمتو
جلست شموخ جنب النافذة الي على اليمين و رحيل جنبها وجنبهم مقعدين فيه ملاك و جود بعدها بعد مقعدين فيه سديم و جهان جنب النافذة الي على اليسار وراء فرح و رحيل كان هاجر جنبها النافذة و حصيص جنبها و مقعدين جنبهم فيه كانت قاعدة ريم و رشا و بعدها بنيتين معاههم الي هم مها و ترف
اعلنت الطائرة عن اقلاعها في الهواء الطلق كان الجو متوتر عند هاجر الي كانت ترتجف من الخوف و ماسكة بيد حصيص الي بدورها وضعت يدها عليها اطمنها لكن الوضع عند شموخ كان مختلف تماما كانت تنااقز من الفرحة و رحيل تهديها و منحرجة من الناس الي يطالعونهم
رحيل بهمس شموخو وجع قعدي فشلتينا شافت ان مافي فايدة معها لفت لجود شافتها حاطه يدها على راسها و شكلها في سابع نومه و ملاك كالعادة تقرءا رواية لفت وراء شافت حصيص قالت لها بسرعه حصيص شوفي هالخبلة شنو اسوي الي يشوفها يقول عمرها ما ركبت طياره و هي المرة الالف تركبها خليها تسكت و الله تفشلت
حصيص قالت بهمس بالاول خليني مع هاجر الي بتموت من الخوف
عقدت رحيل حواجبها بستغراب ليه شفيها
حصيص ردت عليها بنفس الهمس اول مرة تركب طيارة
رحيل ببتسامة معذورة اجل لفت لقدام وجهت نضرها لشموخ الي كانت حاطه اي فون في اذونها و تسمع و ادندن معاه ابتسمت بهدوء فصخت نظاراتها الطبية و خلتها على صوب و سندت راسها على المقعد استعداد لنوم
كانت يدها على بطنها من كثر الوجع و الكيس بحضنها تنتظر اللحظة الي بترجع فيها الله يكرمكم نست ما خذت حبوب معها لتخفيف الالم لفت لترف شافتها مسندة على النافذة و غاطة بنوم عميق هزت المقعد الي قدامها الي كان فيه سديم و جهان لفت لها سديم و قالت شفيك مهوي
مها بالم سدووم عندك حبوب لتخفيف الم بطني يوجعني مره
سديم ميلت فمها على جنب: تو باد .. نو للاسف لا
مها تتحلطم و هي ماسكه بطنها بيديها اووف ما تحمل الم البطن كل مرة اذا اركب طيارة يرجع لي الالم
سديم طيب بنادي على المضيفة بقول لها تعطيك اوك
مها ببتسامة و هي تضغط على بطنها ثنكس ماي بست فرند
اجت المضيفة و قالت لها سديم عن الحبوب بعد مدة جابته و اعطته مها الي شربته مع المويه بسرعة و حست بعدها براحة فضيحة و نامت بعدها مثل باقي البنات
خلصت من الرواية الي كانت تقرءاها ابتسمت بفرح و قالت بهمس ياليت اتكون حياتي سعيدة مثل الروايات هاذي
لفت لها سديم و قالت الروايات شي خيال يا ملاك فلا تعلقين رووحك ابها و بعدها اطيحين بحفرة كبيرة ما تقدرين تخرجين منها يا ملووكة
ابتسمت ملاك بحزن ادري يا سديم ادري عشان كذا انا اقراهم
عقدت سديم حواجبها بستغراب هو ؟؟؟؟ كيف
ملاك اني احب اتخيل اشياء اعرف انها ما تحقق لو شنو عشان كذا خلي افرح الحين بالتخيلات لان بعدها اكيد بيكون شقا بحياتي
سديم ببتسامة ذكرتيني باختي الي كانت تموت في شي اسمه روايات
ملاك ناضرت البنات و قالت البنات نامو بسرعة
سديم و هي ترجع راسها للمقعد الي قدامها ذاتس رايت هذا صحيح
ملاك بستفسار و ليه انتي ما نمتي
سديم و هي اتمتم امم مدري ما فيني نووم
ملاك حتى اني احس ان النوم مجافيني
سديم طالعتها بنص عين وين الي تقول ما بتتاثر بالروايات
ملاك انحرجت منها و نزلت راسها و سديم ابتسمت و قالت بتثاوب سبحان الله جاني نوم
ضحكت ملاك بالخفيف و قالت شكل العدوة انتقلت لي فيني نوم
...........

بالطائرة

بعد مرور 3 ساعات كان الوقت صلاة الظهر
حست بحد يهزها من كتفها بقوة فتحت عينها بقوة و لفت لجود و قالت بعصبية وجع شنو تبغي
جود و هي ترص على اسنانها بعصبية قصري حسك احسن ما اقطع هاللسان بسخرية الي ينقط عسل
شموخ وهي تلف للنافذة قالت بقهر شنو فيه يا عمود الكهرباء
جود و هي تقعد بالمقعد الي جنبها سحبت اذون شموخ و قالت عمود في عينك بعدين الحين وقت الصلاة البنات راحو يصلون و انتي حضرتك قاعدة نايمة بالعسل
شموخ بالم فكني اووف زين بقوم اصلي ذلفي عن وجهي
فكتها جود و راحت للحمام و توضات و راحت تصلي ناسية شموخ الي قامت و هي ما تدري وين الحمامات توجهت لحمام و دخلت بدون ما تلتفت انه للرجال او للنساء توجهت للمغاسل و شمرت عن ذراعيها و توها بتوضا سمعت صوت من الحمام الي جنبها رفعت راسها و هي اتشوف رجال طول بعرض واقف موجها و عضلاته كانت اكثر شي ملفت بعد شعره طبعا الي كان غليظ قالت ببرود و هي ترتجف من الخوف انت شتسوي هنا
استغرب وجودها في حمام رجال قال بسخرية هالسؤال موجهه لك يا مدام
شموخ بعصبية مدام بعينك بعدني ما اصير... تداركت خطاها الي قالته و هي تشوف ابتسامة الخبث بعيونه و ارتجفت بداخلها دخلت يدها بجيبها و اتصلت بتلفونها على تلفون جود الي كانت حافظته عن ظهر قلب و قالت بصوت عالي انت ما تستحي على وجهك ليه داخل حمام حريم
يتبع ....